କୋଏଲ ନଦୀରେ ପୁଣି ଅଘଟଣ : ବିଶ୍ରା ଥାନା ତେତରକେଲା ଘାଟରେ ବୁଡି ଜଣେ ମୃତ , ଜଣେ ଗୁରୁତର Kanak News

କନକ ବ୍ୟୁରୋ : ପୁଣି କୋଏଲ ନଦୀରେ ଅଘଟଣ। ରାଉରକେଲା ବିଶ୍ରା ଥାନା ଅନ୍ତର୍ଗତ କୋଏଲ ନଦୀର ତେତରକେଲା ଘାଟରେ ବୁଡ଼ି ଜଣଙ୍କ ଜୀବନ ଯାଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ତେତରକେଲା ଘାଟରେ ପିକନିକ କରିବାକୁ ଯାଇଥିବା ବେଳେ ଏହି ଦୁଇଜଣ ବୁଡ଼ିଯାଇଥିଲେ । ସେମାନଙ୍କ ମଧ୍ୟରୁ ଜଣଙ୍କ ମୃତଦେହ ଉଦ୍ଧାର ହୋଇଛି। ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତି କରାଯାଇଛି।

ରାଉରକେଲା ଟିମ୍ବର କଲୋନୀର ୯ ଜଣ ସାଂଗ ପିକନିକ କରିବାକୁ ଯାଇଥିବା ବେଳେ ରବିବାର ଅପରାହ୍ନ ୨ଟାରେ ଖିଆପିଆ ସାରି ପାଣିରେ ପଶିଥିଲେ । ସେମାନଙ୍କ ମଧ୍ୟରେ ଜଣେ ୧୭ ବର୍ଷର ନାବାଳକ ଓ ଜଣେ ୨୭ ବର୍ଷର ଯୁବକ ନିଖୋଜ ହୋଇଯାଇଥିଲେ । ତେବେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନାବାଳକର ମୃତଦେହ ଜବତ କରିଥିବା ବେଳେ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା । ସୂଚନାଯୋଗ୍ୟ ଯେ, ଡିସେମ୍ବର ୨୦ରେ କୋଏଲ ନଦୀର ଜାମସେରା ଘାଟରେ ପିକନିକ କରିବାକୁ ଯାଇ ୩ ଛାତ୍ରଙ୍କ ମୃତ୍ୟୁ ଘଟିଥିଲା ।

from Kanak News https://ift.tt/3q0d350 https://ift.tt/2XsYKJX