ବିରଳ ଦୁଇ ମୁଣ୍ଡିଆ ସାପ ରେଡ୍ ସ୍ୟାଣ୍ଡ୍ ବୋଆ ଉଦ୍ଧାର, ଦାମ୍ କୋଟି କୋଟି ଟଙ୍କା

ବାଲେଶ୍ବର ୨୬।୫: ବାଲେଶ୍ବର ସହରରରୁ ଏକ ବିରଳ ସାପ ଉଦ୍ଧାର ହୋଇଛି । ସାପ ଧରାଳୀ କାର୍ତ୍ତିକ ସେଠୀ ଏହି ସାପକୁ କୁରୁଡାର ଏକ ପେଟ୍ରୋଲ ପମ୍ପ୍ ନିକଟରୁ ଉଦ୍ଧାର କରିଛନ୍ତି । ତେବେ ଉଦ୍ଧାର କରିବା ପରେ ସାପଟିକୁ କୁଳଡିହା ଅଭୟାରଣ୍ୟରେ ଛାଡି ଦେଇଥିବା ଜଣାପିଡଛି । ଏହି ବିରଳ ସାପଟିର ନାଁ ହେଉଛି ରେଡ୍ ସାଣ୍ଡ ବୋଆ । ଅନ୍ତଃରାଷ୍ଟ୍ରୀୟ ବଜାରରେ ଏହି ସାପର ଦାମ୍ କୋଟି କୋଟି ଟଙ୍କା । ଏହା ଦୁଇ ମୁଣ୍ଡିଆ ସାପ ଭାବରେ ମଧ୍ୟ ପରିଚିତ । କିନ୍ତୁ ଏହା ବିଷଧର ନୁହେଁ । ଏହି ସାପକୁ ନେଇ ଅନେକ ଅନ୍ଧବିଶ୍ବାସ ମଧ୍ୟ ରହିଛି । କୁହାଯାଏ ଯେ ରେଡ୍‌ ସାଣ୍ଡ ବୋଆ ସାପର ଗ୍ରନ୍ଥିରେ ଗୁପ୍ତ ଆଣ୍ଟି-ଏଜିଙ୍ଗ୍‌ ତତ୍ତ୍ବ ରହିଛି । ଯାହାକୁ ବ୍ୟବହାର କରାଯାଇ ବିଭିନ୍ନ ପ୍ରକାର ଔଷଧ ତିଆରି କରାଯାଇଥାଏ । ଏଥିରୁ ତିଆରି ଔଷଧରେ ଏଡସ୍ ରୋଗ ମଧ୍ୟ ଠିକ୍ କରିହେବ ବୋଲି ବିଶ୍ବାସ ରହିଛି ।

ସେହିପରି ଏହି ସାପକୁ ଲୋକେ ଭାଗ୍ୟଶାଳୀ ବୋଲି ମଧ୍ୟ ମାନିଥାନ୍ତି । ଏହାକୁ ପାଖରେ ରଖିଲେ ଧନ ସମୃଦ୍ଧି ଓ ଶକ୍ତି ବୃଦ୍ଧି ପାଇଥାଏ ବୋଲି ଲୋକେ କିଛି ବିଶ୍ବାସ କରିଥାନ୍ତି । ଏଥିପାଇଁ ଏହି ସାପର ଦାମ୍ ଅନ୍ତଃରାଷ୍ଟ୍ରୀୟ ବଜାରରେ ଏକ କୋଟିରୁ ୨୫ କୋଟି ଟଙ୍କା ପର୍ଯ୍ୟନ୍ତ ରହିଥାଏ । ସାପର ଓଜନ ଯେତିକି ବେଶୀ ତାର ଦାମ୍ ସେତିକି ଅଧିକ ହେବ । ଏହି ସାପ ଚୋରାଚାଲାଣ କରୁଥିବା ରାକେଟ୍ ଭାରତ ସମେତ ବିଭିନ୍ନ ଦେଶରେ ବେଶ୍ ସକ୍ରିୟ ଅଛନ୍ତି । ଏହି ସାପ ବିଶେଷ କରି ଇରାନ, ପାକିସ୍ଥାନ, ଉତ୍ତର ପଶ୍ଚିମ ଭାରତର ବିଭିନ୍ନ ରାଜ୍ୟ ତଥା ମରୁଭୂମୀରେ ଦେଖିବାକୁ ମିଳିଥାନ୍ତି । ଏହା ଥରକେ ୧୪ଟି ଛୁଆ ଜନ୍ମ କରିଥାନ୍ତି । ଏମାନେ ବିଶେଷ କରି ମୁଷା ଖାଇଥାନ୍ତି ।

from Prameya News7 https://ift.tt/3gnnED3