ସଡକ ଦୁର୍ଘଟଣାରେ ରାୟଗଡା ଜିଲ୍ଲା ପରିଷଦ ସଭାପତି ପୁରୁଷୋତ୍ତମ ଗମାଙ୍ଗଙ୍କ ମୃତ୍ୟୁ

ରାୟଗଡା ୨୫।୧୨: ସଡକ ଦୁର୍ଘଟଣାରେ  ରାୟଗଡା ଜିଲ୍ଲା ପରିଷଦ ସଭାପତି ପୁରୁଷୋତ୍ତମ ଗମାଙ୍ଗଙ୍କ ମୃତ୍ୟୁ ହୋଇଛି ।

ପୁରୁଷୋତ୍ତମ ଗତକାଲି  ସନ୍ଧ୍ୟାରେ ରାୟଗଡାରୁ ଗୁଣପୁର ଫେରିବା ସମୟରେ ରାମନାଗୁଡା ବ୍ଲକର ତାଣ୍ଡିକଣା ଗ୍ରାମ ନିକଟରେ ଦୁର୍ଘଟଣାର ଶୀକାର ହୋଇଥିଲେ । ତାଣ୍ଡିକଣା ଛକ ଯାଏଁ ସେ ତାଙ୍କ ଇନୋଭାରେ ଆସିବା ପରେ ସେଇଠୁ ନିଜେ ଏକ ବାଇକ ଚଲାଇ ରାମନାଗୁଡା ଅଭିମୁଖେ ଯାଉଥିଲେ । ହଠାତ୍ ରାସ୍ତାରେ ଭାରସାମ୍ଯ ହରାଇ ବାଇକରୁ ରାସ୍ତାରେ ପଡିଯାଇ ଗୁରୁତର ଆହାତ ହୋଇଥିଲେ ।

ତାଙ୍କୁ ପ୍ରଥମେ ରାମନାଗୁଡା ଓ ପରେ ଗୁଣପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କର ଦୁଇ କାନ ପଟରୁ ପ୍ରବଳ ରକ୍ତ ବୋହିବା ରୁ ଗୁଣପୁର ଡାକ୍ତରଖାନାରୁ ଶ୍ରୀକାକୁଲମ ସ୍ଥାନାନ୍ତର କରାଯାଇଥିଲା । ସେଠାରେ  ଡାକ୍ତର ତାଙ୍କୁ  ମୃତ ଘୋଷଣା କରିଥିଲେ । ଏହି ଘଟଣା ପରେ ସମଗ୍ର ରାୟଗଡା ଜିଲ୍ଲାରେ ଶୋକର ଛାୟା ଖେଳିଯାଇଛି।

from Prameya News7 https://ift.tt/2PToT1o