୪ ବର୍ଷର ଶିଶୁଙ୍କୁ ଦୁଷ୍କର୍ମ ଅଭିଯୋଗ, ଦୁଇ ନାବାଳକ ଥାନାରେ ଅଟକ

ଦେବଗଡ ୨୫।୧୨: ଦେବଗଡ ଜିଲ୍ଲାରେ  ଲଜ୍ଜା । ଦେବଗଡ ଜିଲ୍ଲା ରିଆମାଳ ଥାନା ଅଞ୍ଚଳରେ  ଚାରି ବର୍ଷର ଶିଶୁ କନ୍ୟାକୁ ଦୁଷ୍କର୍ମ ଅଭିଯୋଗ ହୋଇଛି  ।

ସୂଚନାଯୋଗ୍ୟ ଯେ, ରିଆମାଳ ଥାନା ଅଞ୍ଚଳରେ ଜଣେ ନାବାଳିକା ଦାଣ୍ଡରେ ଖେଳୁଥିବା ବେଳେ ଦୁଇ ଜଣ ନାବାଳକ ତାକୁ ଖେଳିବାକୁ ଡାକିନେଇଥିଲେ । ନିକଟସ୍ଥ ଏକ ଘରେ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଶିଶୁ କନ୍ୟା ଜଣଙ୍କ  ଯନ୍ତ୍ରଣାରେ କାନ୍ଦୁଥିବା ବେଳେ ତାଙ୍କ ମା ଘଟଣା ସଂପର୍କରେ ପଚାରି ବୁଝିଥିଲେ ।

ଘଟଣା ଜଣାପଡିବା ପରେ ଏନେଇ ପରିବାର ପକ୍ଷରୁ ରିଆମାଳ ଥାନାରେ ଏକ ମାମଲା ଦାଏର କରାଯାଇଛି । ନାବାଳିକାଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।  ଏହି ଘଟଣାରେ ସମ୍ପୃକ୍ତ ଦୁଇ ଅଭିଯୁକ୍ତ  ନାବାଳକଙ୍କୁ ରିଆମାଳ ପୋଲିସ  ଅଟକ ରଖି ପଚରାଉଚରା କରୁଛି।

from Prameya News7 https://ift.tt/39aCgSu