ବେଙ୍ଗାଲୁରୁ ୧୧।୦୯: କର୍ଣ୍ଣାଟକର କାଲବୁର୍ଗୀ ଜିଲ୍ଲାରୁ ୧୨ ଶହ କିଲୋରୁ ଅଧିକ ପରିମାଣର ଗଞ୍ଜେଇ ଜବତ କରିଛି ବେଙ୍ଗାଳୁରୁ ପୋଲିସ । ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା, ଏହି ଗଞ୍ଜେଇ କାରବାରରେ ସଂପୃକ୍ତ ଗିରଫ ଅଭିଯୁକ୍ତଙ୍କ ପାଖରୁ ଓଡ଼ିଶା ଲିଙ୍କ୍ କଥା ସାମ୍ନାକୁ ଆସିଛି ।
ବେଙ୍ଗାଳୁରୁ ପୋଲିସର ସୂଚନା ଅନୁସାରେ ସେସାଦ୍ରୀପୁରମ୍ ପୋଲିସ ଷ୍ଟେସନରେ ଅଟକ ଜଣେ ଅପରାଧୀ ଠାରୁ ଖବର ପାଇ କାଲବୁର୍ଗୀ ଜିଲ୍ଲା କମଲାପୁରା ଅଂଚଳର ରଙ୍ଗନାଥ ରେଡ୍ଡୀ ଗାଁରେ ପହଞ୍ଚିଥିଲା ପୋଲିସ । ସେଠାରେ ଥିବା ଏକ ଘୁଷୁରି ଗୁହାଳ ଭିତରେ ଥିବା ଏକ ସମ୍ପ୍ ରୁ ବସ୍ତା ବସ୍ତା ଗଞ୍ଜେଇ ଜବତ କରିଥିଲା । ଏହି ଗଞ୍ଜେଇ କାରବାରର ମୁଖ୍ୟ ଅଭିଯୁକ୍ତ ଚନ୍ଦ୍ରକାନ୍ତ ସହ ତା’ର ୩ ସହଯୋଗୀଙ୍କୁ ଗିରଫ କରିଛି ।
ଓଡ଼ିଶାରୁ ଏସବୁ ଗଞ୍ଜେଇ ତେଲେଙ୍ଗାନାରେ ପହଞ୍ଚିବା ପରେ ସେଠାରୁ ପରିବା ଟ୍ରକରେ କର୍ଣ୍ଣାଟକ ଯାଉଥିଲା ବୋଲି ପୋଲିସ କହିଛି । ଏଥିସହ ଓଡ଼ିଶା ଲିଙ୍କ୍ ଥିବା ଅନ୍ୟ ଜଣେ ମାଫିଆକୁ ମଧ୍ୟ ଗିରଫ କରିଛି ପୋଲିସ । ଆଜି ପ୍ରେସମିଟ୍ କରି ପୂରା ଘଟଣାର ଖୁଲାସା କରିବ ବେଙ୍ଗାଳୁରୁ ପୋଲିସ ।
from Prameya News7 https://ift.tt/3k9tNUC
No comments: