କରୋନା ମୁକାବିଲା : ଗାଁକୁ ୪୮ଘଣ୍ଟା ସଟ୍ ଡାଉନ୍ ଘୋଷଣା କଲେ ସରପଞ୍ଚ

ଟାଙ୍ଗୀ ୨।୬: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ୍ ମୋରମୋରୀ ଗ୍ରାମ ପଞ୍ଚାୟତର ସରପଞ୍ଚ ସବିତା ନାୟକ ଗହୀର ମୋରମୋରୀ ଗ୍ରାମକୁ ୪୮ ଘଣ୍ଟା ପାଇଁ ସଟ୍ ଡାଉନ୍ ଘୋଷଣା କରିଛନ୍ତି ।

ଗତ କିଛି ଦିନ ତଳେ ଜଣେ ସୁରାଟ ଫେରନ୍ତା ସରକାରୀ କ୍ବାରେଣ୍ଟାଇନ୍ ସେଣ୍ଟରରେ ୧୪ଦିନ ରହି ଗତକାଲି ସନ୍ଧ୍ୟାରେ ନିଜ ଘରକୁ ଫେରିଥିଲେ । ସେହିଦିନ ୧୦ଟା ସମୟରେ ତାଙ୍କ ରିପୋର୍ଟ ପିଜିଟିଭ୍ ଆସିଥିଲା । ଫଳରେ ତାଙ୍କୁ ସ୍ବାସ୍ଥ୍ୟ ବିଭାଗ ପକ୍ଷରୁ ସଙ୍ଗେ ସଙ୍ଗେ ଭୁବନେଶ୍ବର ସ୍ଥିତ କୋଭିଡ୍ ହସ୍ପିଟାଲକୁ ପଠାଇ ଦିଆଯାଇଥିଲା ।

ତେଣୁ ସରପଞ୍ଚ ତୁରନ୍ତ ଏ ବିଷୟରେ ବିଡିଓ ଏବଂ ଜିଲ୍ଲାପାଳଙ୍କ ପରାମର୍ଶ ନେଇଥିଲେ । ଜିଲ୍ଲାପାଳ କ୍ଷମତାକୁ ବ୍ୟବହାର କରି ନିଜ ପଞ୍ଚାୟତର ଜନସାଧାରଣଙ୍କ ସୁରକ୍ଷା ଓ ଜୀବନ ରକ୍ଷା ପାଇଁ ପଞ୍ଚାୟକ ଅଞ୍ଚଳକୁ ୨ ଦିନ ପାଇଁ ସଟ୍-ଡାଉନ୍ ଘୋଷଣା କରିଛନ୍ତି । ଗାଁର ବିଭିନ୍ନ ସ୍ଥାନରେ ସାନିଟାଇଜ୍ ବ୍ୟବସ୍ଥା ମଧ୍ୟ ଗ୍ରହଣ କରାଯାଇଛି ବୋଲି ସରପଞ୍ଚ କହିଛନ୍ତି ।

from Prameya News7 https://ift.tt/3ciOtVK