ନୂଆଦିଲ୍ଲୀ: ଦିଲ୍ଲୀରେ ପୁଣିଥରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି। କିରାରି ଅଞ୍ଚଳରେ ଥିବା ଏକ କପଡ଼ା ଗୋଦାମରେ ନିଆଁ ଲାଗି ୯ ଜଣଙ୍କ ମୃତ୍ୟୁ ଘଟିଥିବାବେଳେ ୧୦ ଜଣ ଆହତ ହୋଇଛନ୍ତି। ଆହତମାନଙ୍କୁ ହସ୍ପିଟାଲ୍ରେ ଭର୍ତ୍ତି କରାଯାଇଛି।
କିରାରିରେ ଅଞ୍ଚଳରେ ଥିବା ଏକ ୩ ମହଲା ବିଶିଷ୍ଟ ବିଲ୍ଡିଂର ଗ୍ରାଉଣ୍ଡ୍ ଫ୍ଲୋର୍ରେ ଏହି କପଡ଼ା ଗୋଦାମ ରହିଛି। ଗତକାଲି ରାତି ପ୍ରାୟ ୧୨ଟା ୩୦ ମିନିଟ୍ ସମୟରେ ଗୋଦାମ ଭିତରେ ଶ୍ରମିକମାନେ ଶୋଇ ଥିବାବେଳେ ନିଆଁ ଲାଗି ଯାଇଥିବା ଅନୁମାନ କରାଯାଉଛି।
ଘଟଣାସ୍ଥଳରେ ଏକାଧିକ ଦମକଳ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଥିଲେ।
ସୂଚନାଥାଉ କି, ରାଣୀ ଝାନ୍ସି ରୋଡ୍ ସ୍ଥିତ ଅନାଜ୍ ମଣ୍ଡି ଅଞ୍ଚଳରେ ଥିବା ଏକ ଚାରି ମହଲା ବିଶିଷ୍ଟ ଫ୍ୟାକ୍ଟ୍ରିରେ ନିଆଁ ଲାଗି ୪୩ ଜଣ ଶ୍ରମିକଙ୍କ ମୃତ୍ୟୁ ଘଟିଥିଲା। ସବୁଠାରୁ ବଡ଼ କଥା, ଯେଉଁ ସମୟରେ ଫ୍ୟାକ୍ଟ୍ରିରେ ନିଆଁ ଲାଗିଥିଲା ସେହି ସମୟରେ ଅଧିକାଂଶ ଶ୍ରମିକ ଫ୍ୟାକ୍ଟ୍ରି ଭିତରେ ଶୋଇଥିଲେ।
from OTV Khabar. https://ift.tt/2PNrSbD
କପଡ଼ା ଗୋଦାମରେ ନିଆଁ, ଜୀଅନ୍ତା ଜଳିଗଲେ ୯ ଜଣ OTV KHABAR BUREAU
![କପଡ଼ା ଗୋଦାମରେ ନିଆଁ, ଜୀଅନ୍ତା ଜଳିଗଲେ ୯ ଜଣ OTV KHABAR BUREAU]()
Reviewed by SUBHENDU BARAL
on
December 22, 2019
Rating:
No comments: