କନକ ବ୍ୟୁରୋ : ପାଠ ପଢିବା ପାଇଁ କୌଣସି ବୟସ ସୀମା ଯେ ନଥାଏ । ଏକଥାକୁ ପୁଣି ଥରେ କେରଳର ଜଣେ ମହିଳା ପ୍ରମାଣିତ କରି ଦେଖାଇଛନ୍ତି । ୮୫ ବର୍ଷ ବୟସରେ ମନରେ ପାଠ ପ୍ରତି ଥିବା ଦୁର୍ବଳତାକୁ ପରିପ୍ରକାଶ କରିଛନ୍ତି । କେବଳ ଯେ, ପରିପ୍ରକାଶ କରିଛନ୍ତି ତାହା ନୁହେଁ, ତାହାକୁ ପ୍ରମାଣିତ କି ଦେଖାଇଛନ୍ତି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, କେରଳ ୱାଇନାଡାର ଜଣେ ବୃଦ୍ଧା କେଏସଏଲଏମର ସଂସ୍ଥାରେ ପରୀକ୍ଷା ଦେଇଛନ୍ତି । ୮୫ ବର୍ଷିୟା ଆଦିବାସୀ ମହିଳା ଜଣକ ପରୀକ୍ଷା ଦେଇ ସ୍ଥାନୀୟ ଅଂଚଳର ବେଶ ଚର୍ଚ୍ଚିତ ହୋଇ ରହିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଲା ଯେ, ଏହି ପରୀକ୍ଷାରେ ମୋଟ ୨୯୯୩ ଜଣ ପରୀକ୍ଷାର୍ଥୀ ଥିଲେ ଆଉ ସବୁଠାରୁ ଅଧିକ ବୟସ୍କା ଥିଲେ ଏହି ୮୫ ବର୍ଷିୟ ମହିଳା । ମହିଳା ଜଣଙ୍କ ନାମ କେମ୍ବି ବୋଲି ସୂଚନା ମିଳିଛି । ରାଜ୍ୟ ସରକାରଙ୍କ ପକ୍ଷରୁ ହୋଇଥିବା ପରୀକ୍ଷାରେ ସେ ସଫଳ ମଧ୍ୟ ହୋଇଛନ୍ତି । କେମ୍ବି ପୂର୍ବରୁ ପ୍ରତିଦିନ ଦିନ ମଜୁରୀଆ ଭାବରେ କାମ କରି ନିଜ ପରିବାରର ଗୁଜୁରାଣ ମେଂଟାନ୍ତି ।
କିନ୍ତୁ ତାଙ୍କ ମନରେ ପଢା ପ୍ରତିଥିବା ଥିବା ଦୁର୍ବଳତାକୁ ମଧ୍ୟ ସେ ପୂରଣ କରିବାକୁ ଅବିରତ ଚେଷ୍ଟା କରନ୍ତି । ଆଉ ଏହାରି ମଧ୍ୟରେ ତାଙ୍କୁ ଏକ ଟ୍ରଷ୍ଟ ମାଧ୍ୟମରେ ପଢିବାର ସୁଯୋଗ ମିଳିଯାଏ ଓ ଏହାକୁ ଅତି ଉତ୍କଣ୍ଠାର ସହ ଗ୍ରହଣ କରନ୍ତି ମଧ୍ୟ ସେ । ସୁନୀତା ନାମକ ଜଣେ ମହିଳା ତାଙ୍କୁ ପାଠ ପଢିବା ପାଇଁ ପ୍ରେରଣା ଦିଅନ୍ତି । ଆଉ ସେହି ମହିଳାଙ୍କ କଥାକୁ ସଠିକ ଭାବରେ ଉପଯୋଗ କରିବା ସହ ପାଠପଢିବାକୁ ଲାଗନ୍ତି କେମ୍ବି । ରାଜ୍ୟର ଆଦିବାସୀ ବିକାଶ ବିଭାଗ ପକ୍ଷରୁ ହେଉଥିବା ପରୀକ୍ଷାର ସେ ପରୀକ୍ଷାର୍ଥୀ ହୁଅନ୍ତି ଓ ସଫଳତା ମଧ୍ୟ ପାଆନ୍ତି । କେମ୍ବିଙ୍କର ୨ ପୁତ୍ର ଅଛନ୍ତି । ଉଭୟ ଶିକ୍ଷିତ ତେଣୁ ପାଠପଢାରେ ସେ ମତେ ସାହାଯ୍ୟ କରନ୍ତି ବୋଲି କେମ୍ବି କହନ୍ତି । କେବଳ ଏତିକି ନୁହେଁ ବରଂ ସହପାଠୀମାନେ ମଧ୍ୟ ମତେ ପଢିବାରେ ଅନେକ ସାହାଯ୍ୟ କରିଛନ୍ତି । ଏବଂ ଆଗାମୀ ଦିନରେ ମୋର କମ୍ପ୍ୟୁଟର ଶିକ୍ଷା କରିବାର ଅଛି ବୋଲି କେମ୍ବି କହିଛନ୍ତି ।
from Kanak News https://ift.tt/2o72X7u https://ift.tt/2o0VKpO
No comments: