ଆଜିଠୁ ଦେଶର ସବୁଠୁ ବଡ ରାଷ୍ଟ୍ରାୟତ ବ୍ୟାଙ୍କ୍ ଏସ୍‌ବିଆଇରେ ଲାଗୁ ହେବ ନୂଆ ନିୟମ, ଜାଣନ୍ତୁ କ’ଣ

ନୂଆଦିଲ୍ଲୀ ୧।୧୦: ଆଜିଠୁ ଦେଶର ସବୁଠୁ ବଡ ରାଷ୍ଟ୍ରାୟତ ବ୍ୟାଙ୍କ ଏସବିଆଇରେ ଲାଗୁ ହେବ ନୂଆ ନିୟମ । ମାସିକ ସର୍ବନିମ୍ନ ବାଲାନ୍ସ, ଟଙ୍କା ଉଠାଣ ଏବଂ ଡିପୋଜିଟ ଉପରେ ଚାର୍ଜ ଲାଗିବ । ମେଟ୍ରୋ ଏବଂ ଅର୍ବାନ ବ୍ରାଞ୍ଚ, ସେମି ଅର୍ବାନ ସେଣ୍ଟର ଏବଂ ରୁରାଲ ସେଣ୍ଟର ବ୍ରାଞ୍ଚରେ ଅଲଗା ଅଲଗା ଚାର୍ଜ ଦେବେ ଉପଭୋକ୍ତା ।

ମେଟ୍ରୋ ଏବଂ ଅର୍ବାନ ସେଣ୍ଟର ବ୍ରାଞ୍ଚରେ ମିନିମମ ଆକାଉଣ୍ଟ ବାଲାନ୍ସ ୩୦୦୦ ଟଙ୍କା ରଖିବେ ଗ୍ରାହକ । ଯଦି ଏହି ରାଶି ୫୦ ପ୍ରତିଶତ କମ୍ ଥାଏ, ତେବେ ଏଥିପାଇଁ ୧୦ ଟଙ୍କା ସହ ଜିଏସଟି ଦେବାକୁ ପଡିବ । ସେହିଭଳି ୫୦ ରୁ ୭୫ ପ୍ରତିଶତ କମ୍ ବାଲାନ୍ସ ଥିଲେ ୧୨ ଟଙ୍କା ଏବଂ ୭୫ ପ୍ରତିଶତରୁ କମ୍ ବାଲାନ୍ସ ଥିଲେ ୧୫ ଟଙ୍କା ସରଚାର୍ଜ ଦେବାକୁ ପଡିବ ।

ସେହିପରି ସେମି ଅର୍ବାନ କ୍ଷେତ୍ରରେ ଆକାଉଣ୍ଟ ଥିବା ଗ୍ରାହକଙ୍କୁ ମିନିମମ୍ ବାଲାନ୍ସ ୨ ହଜାର ଟଙ୍କା ରଖିବାକୁ ପଡିବ । ନଚେତ୍ ଫାଇନ୍ ଭରିବାକୁ ପଡିବ । ୫୦ ପ୍ରତିଶତ ଥିଲେ ୭ ଟଙ୍କା ୫୦ ପଇସା, ୫୦ରୁ ୭୫ ପ୍ରତିଶତ ମଧ୍ୟରେ ବାଲାନ୍ସ ଥିଲେ ୧୦ ଟଙ୍କା ଏବଂ ୭୫ ପ୍ରତିଶତରୁ କମ୍ ବାଲାନ୍ସ ଥିଲେ ୧୨ ଟଙ୍କା ଚାର୍ଜ ଲାଗିବ । ରୁଲାଲ ସେଣ୍ଟର ବ୍ରାଞ୍ଚରେ ସର୍ବନିମ୍ନ ବାଲାନ୍ସ ୧ ହଜାର ଟଙ୍କା ରଖିବା ଜରୁରୀ । ଯଦି ୫୦ ପ୍ରତିଶତ କମ୍ ଥାଏ ତେବେ ୫ ଟଙ୍କା ଚାର୍ଜ ଲାଗିବ । ଏବଂ ୫୦ ରୁ ୭୫ ପ୍ରତିଶତ କମ୍ ବାଲାନ୍ସ ଥିଲେ ୭ ଟଙ୍କା ୫୦ ପଇସା ଚାର୍ଜ ଲାଗିବ ।

ଅନ୍ୟପଟେ ଟଙ୍କା ଉଠାଣ ଉପରେ ମଧ୍ୟ କଟକଣା ରହିଛି । ମାସିକ ୨୫ ହଜାର ଟଙ୍କା ପର୍ଯ୍ୟନ୍ତ ଉଠାଇଲେ ୨ଟଙ୍କା ସରଚାର୍ଜ ଲାଗିବ । ସେହିପରି ୨୫ ହଜାରରୁ ୫୦ ହଜାର ପର୍ଯ୍ୟନ୍ତ ୧୦ ଟଙ୍କା ଏବଂ ୫୦ ହଜାରରରୁ ଲକ୍ଷେ ପର୍ଯ୍ୟନ୍ତ ୧୫ ଟଙ୍କା ସରଚାର୍ଜ ଲାଗିବ ।

ଅନ୍ୟପଟେ ଗୋଟିଏ ମାସରେ ୩ ଥର କ୍ୟାସ୍ ଡିପୋଜିଟ୍ କରିପାରିବେ । ଏହା ପରେ ଆଉ ୩ଟି ଟ୍ରାଞ୍ଜାକ୍ସନ ପାଇଁ ୫୦ ଟଙ୍କା ଚାର୍ଜ ଲାଗିବ । ମାସିକ ୨୫ ହଜାରରୁ ୫୦ ହଜାର ବାଲାନ୍ସ ରଖୁଥିବା ଆକାଉଣ୍ଟଧାରୀଙ୍କୁ ୧୦ଟି ଫ୍ରି କ୍ୟାସ୍ ୱିଡ୍ରଲ ସୁବିଧା ମିଳିବ । ଆକାଉଣ୍ଟରେ ୫୦ ହଜାରରୁ ଲକ୍ଷେ ଟଙ୍କା ବାଲାନ୍ସ ରହିଲେ ୧୫ଟି ଫ୍ରି ୱିଡ୍ରଲ ଟ୍ରାଞ୍ଜାକ୍ସନ ମିଳିବ । ଆଉ୧ ଲକ୍ଷ ଉପରକୁ ମାସିକ ବାଲାନ୍ସ ଥିବା ଆକାଉଣ୍ଟରେ  ଅନଲିମିଟେଡ୍  ଟଙ୍କା ଉଠାଇ ପାରିବେ । ଏହାଛଡା ୨୫ ଟିକିଆ ଚେକ୍ ବଦଳରେ ଏବେ ୧୦ ଟିକିଆ ଚେକ୍ ବୁକ୍ ଆସିବ । ଏଥିପାଇଁ ୪୦ ଟଙ୍କା ଦେବାକୁ ପଡିବ ।  ଏନଇଏଫଟି ଓ ଆରଟିଜିଏସ ଟ୍ରାଞ୍ଜାକ୍ସନ ପାଇଁ ନୂଆ ନିୟମ ଲାଗୁ ହେବ ।

from Prameya News7 https://ift.tt/2oQbTPh