କିଏ ଏହି ଝିଅ ମୁନମୁନ୍ ଧାମେଚା? ହାଇ ପ୍ରୋଫାଇଲ୍ ଡ୍ରଗ୍ ପାର୍ଟିରେ ଆର୍ଯ୍ୟନଙ୍କ ସହ ଥିଲେ ସାମିଲ

ମୁମ୍ବାଇ ୦୫/୧୦: କ୍ରୁଜରେ ଡ୍ରଗ୍ ପାର୍ଟି ମାମଲାରେ ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ସମେତ ଏନସିବି ତିନି ଜଣଙ୍କୁ ଗିରଫ କରିଛି। ଆର୍ଯ୍ୟନ ଡ୍ରଗ୍ସ ସେବନ କରିଥିବା ସ୍ୱୀକାର କରିବା ପରେ ଏହି ମାମଲା ଆହୁରି ଗୁରୁତର ହୋଇଯାଇଛି। ଯଦିଓ ଷ୍ଟାର୍ କିଡ୍ ବ୍ୟତୀତ ଅନ୍ୟ ଲୋକମାନେ ମଧ୍ୟ ରେଭ୍ ପାର୍ଟିରେ ଜଡିତ ଥିଲେ, କିନ୍ତୁ ବର୍ତ୍ତମାନ ସମୟରେ ଆର୍ଯ୍ୟନ୍ ଖାନ୍, ଅରବାଜ୍ ମର୍ଚାଣ୍ଟ ଏବଂ ମୁମୁନ୍ ଧାମେଚାଙ୍କ ଉପରେ କଡାକଡି କରାଯାଇଛି। ଏବେ ପ୍ରଶ୍ନ ହେଉଛି, ମୁନମୁନ୍ ଧାମେଚା କିଏ, ଯାହାଙ୍କ ନାମ ଏହି ମାମଲାରେ ସାମ୍ନାକୁ ଆସୁଛି।

ସୂଚନା ଅନୁଯାୟୀ, ମୁନମୁନ୍ ଧାମେଚା ଦିଲ୍ଲୀର ବାସିନ୍ଦା ଏବଂ ସେ ଜଣେ ମଡେଲ୍। ତାଙ୍କର କେହି ବାପା-ମା ନାହାଁନ୍ତି। ପ୍ରିନ୍ସ ଧାମେଚା ନାମକ ତାଙ୍କର ଜଣେ ଭାଇ ଅଛନ୍ତି। ପ୍ରକୃତରେ, ମୁନମୁନ୍ ମଧ୍ୟପ୍ରଦେଶର ବାସିନ୍ଦା, ୬ ବର୍ଷ ପୂର୍ବେ ସେ ତାଙ୍କ ଭାଇ ପ୍ରିନ୍ସଙ୍କ ସହ ଦିଲ୍ଲୀ ଆସିଥିଲେ। ମୁନମୁନ୍ ସୋସିଆଲ ମିଡିଆରେ ବହୁତ ସକ୍ରିୟ। ସେ ପ୍ରାୟତଃ ତାଙ୍କ ଫଟୋ ଏବଂ ଭିଡିଓ ସେୟାର କରନ୍ତି। ବଲିଉଡ୍ ଷ୍ଟାରଙ୍କ ସହ ତାଙ୍କର ଅନେକ ଫଟୋ ଦେଖାଯାଇଛି। ମୁନମୁନ୍ ପ୍ରାୟତଃ ପାର୍ଟିରେ ଦେଖାଯାଆନ୍ତି ଏବଂ ସେ ଅନେକ ଶୋ’ରେ ମଧ୍ୟ ଭାଗ ନେଇଛନ୍ତି।

ସେହିପରି ଅରବାଜ ମର୍ଚାଣ୍ଟ ଶାହରୁଖ ଖାନଙ୍କ ଝିଅ ଏବଂ ପୁଅ ଆର୍ଯ୍ୟନ ଖାନଙ୍କର ଘନିଷ୍ଠ ବନ୍ଧୁ । ଏହାପୂର୍ବରୁ ତାଙ୍କୁ ଭେଟେରାନ ଅଭିନେତା ଚୁଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେଙ୍କ ସହ ପାର୍ଟି କରୁଥିବା ମଧ୍ୟ ଦେଖିବାକୁ ମିଳିଛି।

from Prameya News7 https://ift.tt/3BaVm8U