ଦୁର୍ଘଟଣାଗ୍ରସ୍ତ ବାଇକ୍ରୁ‌ ମିଳିଲା ପୁଳା ପୁଳା ଗଞ୍ଜେଇ ଓ ବ୍ରାଉନ ସୁଗାର, ୨ ଜଣଙ୍କୁ ଥାନାରେ ଅଟକ ରଖିଲା ପୋଲିସ

ନିଆଳି, ୦୭/୧୦: ଦୁର୍ଘଟଣାଗ୍ରସ୍ତ ବାଇକରୁ ମିଳିଲା ପୁଳା ପୁଳା ଗଞ୍ଜେଇ ଓ ବ୍ରାଉନ ସୁଗାର । ଏହାକୁ ନେଇ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଥିବା ବେଳେ ଟାୟାର ଜାଳି ରାସ୍ତା ରୋକ କରିଛନ୍ତି । ନିଶା କାରବାରରେ ଲିପ୍ତ ଜଣେ ଯୁବକ ଦୁର୍ଘଟଣା ଘଟାଇ ଜଣେ ସାଇକେଲ ଆରୋହିକୁ ମୃତ୍ୟୁମୁଖକୁ ଠେଲି ଦେଇଥିବାରୁ ଅଞ୍ଚଳବାସୀଙ୍କ ପକ୍ଷରୁ ଏରଞ୍ଚ-ରହମ୍ବା ରାସ୍ତା ଅବରୋଧ କରାଯାଇଥିଲା । ରହମ୍ବା ଗ୍ରାମର ସିତାକାନ୍ତ ସାମନ୍ତରାୟ ସାଇକେଲରେ ଯାଉଥିବା ବେଳେ ସ୍ଥାନୀୟ ଅଞ୍ଚଳର ଜଣେ ଓ ପତ୍ର କଣା ଅଞ୍ଚଳର ଯୁବକ ମଟର ସାଇକେଲରେ ବ୍ରାଉନ ସୁଗାର ଓ ଗଞ୍ଜେଇ ନେଇ ଯାଉଥିବା ବେଳେ ସିତାକାନ୍ତକୁ ଧକା ଦେଇଥିଲା । ତାଙ୍କ ମୁଣ୍ଡଓ ଗୋଡରେ ଗଭୀର ଆଘାତ ଲାଗିଥିବାରୁ ତାଙ୍କୁ ପ୍ରଥମେ ଅଡଶପୁର 6ଗାଷ୍ଠୀସ୍ୱାସ୍ଥ୍ୟ କେନ୍ଦ୍ର ଓ ପରେ ବଡ ମେଡ଼ିକାଲ ସ୍ଥାନାନ୍ତର କରାଯାଇଛି ।

ଅପରପକ୍ଷରେ ଯୁବକଙ୍କ ଗାଡ଼ିରୁ ଗଞ୍ଜେଇ ଓ ବ୍ରାଉନ ସୁଗାର ଘଟଣାସ୍ଥଳରେ ପଡ଼ିଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। ଲୋକେ ଟାୟାର ଜାଳି ରାସ୍ତା ଅବରୋଧ କରିଛନ୍ତି । ଗୋବିନ୍ଦପୁର ପୋଲିସ ପାଖରେ ବାରମ୍ବାର ନିଶା କାରବାରକୁ ନେଇ ଅଭିଯୋଗ ହେଲେ ମଧ୍ୟ ପୋଲିସର ନିସ୍କ୍ରିୟତା ନିଶା କାରବାରକୁ ପ୍ରେତ୍ସାହନ ଦେଉଥିବା ଅଭିଯୋଗ ହେଉଛି ।

ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ରହମ୍ବା ଗ୍ରାମର ସୋମନାଥ ଦାସ ଓ ତାଙ୍କ ସ୍ତ୍ରୀକୁ ନେଇ ଥାନାରେ ଅଟକ ରଖିଛି । ଘଟଣାସ୍ଥଳରେ ପଡ଼ିଥିବା ଗଞ୍ଜେଇ ଓ ବ୍ରାଉନ ମୁଗାରକୁ ଜବତ କରିଛି ପୋଲିସ ।

from Prameya News7 https://ift.tt/3DmshYA