ବୁଦା ମୂଳରୁ ନବଜାତ ଶିଶୁ ପୁତ୍ର ଉଦ୍ଧାର

କେନ୍ଦୁଝର ୪।୬: କେନ୍ଦୁଝରରେ ବୁଦା ମୂଳରୁ ନବଜାତ ଶିଶୁ ପୁତ୍ର ଉଦ୍ଧାର ହୋଇଛି । ଗୁରୁବାର ସକାଳ ପ୍ରାୟ ୬ଟା ସମୟରେ କେନ୍ଦୁଝର ସହରର ଶିଲୁଆ ଗାଁ ନିକଟସ୍ଥ ଆମ୍ବ ତୋଟାରେ ଥିବା ଏକ ବୁଦା ମୂଳରୁ ଏକ ନବଜାତ ଶିଶୁର କାନ୍ଦ ଶୁଣାଯାଇଥିଲା । ସକାଳୁ ପ୍ରାତଃ ଭ୍ରମଣ କରୁଥିବା ଲୋକେ ଓ ଶିଲୁଆ ଗାଁ ଲୋକେ ସେଠାକୁ ଯାଇ ଦେଖିଥିଲେ ଯେ, ବୁଦା ମୂଳରେ ଏକ ନବଜାତ ଶିଶୁ ପୁତ୍ରଟି ରହିଥିଲା ।

ତେବେ କେହି ଅଜଣା ବ୍ୟକ୍ତି ବୁଦା ମୂଳରେ ଶିଶୁଟିକୁ ଫୋପାଡି ଦେଇ ପଳାଇଥିବା ସନ୍ଦେହ କରାଯାଉଛି । ସ୍ଥାନୀୟ ଅଞ୍ଚଳର କିଛି ଯୁବକ ଶିଶୁ ପୁତ୍ରଟିକୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଶିଶୁଟିର ଅବସ୍ଥା ଭଲ ଥିବା ଜଣାପଡିଛି ।

from Prameya News7 https://ift.tt/3cr26SF