ଯୁବକଙ୍କୁ ହାଣି ମୁଣ୍ଡ ଗଣ୍ଡି ଅଲଗା କରିଦେଲେ ପୂଜକ, ବଳି ପାଇଁ ହତ୍ୟା ସନ୍ଦେହ

ଆଠଗଡ ୨୮।୫: ଯୁବକଙ୍କୁ ହାଣି ମୁଣ୍ଡ ଗଣ୍ଡି ଅଲଗା କରିଦେଲେ ପୂଜକ । କଟକ ଜିଲ୍ଲା ନରସିଂହପୁର ବ୍ଲକ୍ ଅନ୍ତର୍ଗତ ବନ୍ଧହୁଡା ଗାଁରେ ଏଭଳି ବୀଭତ୍ସ ହତ୍ୟାକାଣ୍ଡ ଘଟିଛି । ହତ୍ୟା ପରେ ଅଭିଯୁକ୍ତ ମନ୍ଦିର ପୂଜକ ସଂସାରୀ ଓଝା (୭୦) ଆତ୍ମସମର୍ପଣ କରିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, କଟକ ଜିଲ୍ଲା ନରସିଂହପୁର ବ୍ଲକ୍ ଅନ୍ତର୍ଗତ ବନ୍ଧହୁଡା ଗାଁ ମନ୍ଦିରର ପୂଜକ ଥିଲେ ସଂସାରୀ ଓଝା । ସେହି ଗାଁର ଯୁବକଙ୍କୁ ମନ୍ଦିର ପୂଜକ ହାଣି ମୁଣ୍ଡ ଗଣ୍ଡି ଅଲଗା କରିଦେଇଛନ୍ତି । ମୃତ ଯୁବକ ହେଲେ ସରୋଜ କୁମାର ପ୍ରଧାନ ।

ଏକ ଆମ୍ବ ବଗିଚାକୁ ନେଇ ମୃତ ଯୁବକଙ୍କ ସହିତ ତାଙ୍କର ପୂର୍ବ ଶତ୍ରୁତା ରହିଥିଲା । ତେଣୁ ସେଥିପାଇଁ ତାଙ୍କୁ ମନ୍ଦିର ପୂଜକ ହତ୍ୟା କରିଥାଇପାରନ୍ତି ବୋଲି ସନ୍ଦେହ କରାଯାଉଛି । ଅନ୍ୟପଟେ ବଳି ପାଇଁ ହତ୍ୟା କରିଛନ୍ତି ବୋଲି ମଧ୍ୟ ସନ୍ଦେହ କରାଯାଉଛି । ଗତକାଲି ବିଳମ୍ବିତ ରାତିରେ ଘଟିଛି ଏଭଳି ବୀଭତ୍ସ ହତ୍ୟାକାଣ୍ଡ ।

ହତ୍ୟା କରିବା ପରେ ପୂଜକ ଜଣଙ୍କ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି । ଅଭିଯୁକ୍ତ ମନ୍ଦିର ପୂଜକ ହେଉଛନ୍ତି ସଂସାରୀ ଓଝା । ତାଙ୍କ ବୟସ ୭୦ ବର୍ଷ । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

from Prameya News7 https://ift.tt/3eosdv0