ଭାଲୁ ନେଇଗଲା ଆଖି Minati Mishra

ଉଦଳା: ବଳଦ ଖୋଜିବା ହେଲା କାଳ। ବଳଦକୁ ଖୋଜିବା ପାଇଁ ଘର ବାଡିକୁ ପଳାଇ ଯାଇଥିଲେ। ହେଲେ ସେଠାରେ ଯେମିତି ଅଘଟଣ ତାଙ୍କୁ ଅପେକ୍ଷା କରି ବସିଥିଲା। ଝାମ୍ପି ପଡ଼ିଲା ଭାଲୁ। ଆଉ ତାଙ୍କର ଆଖି ତାଡ଼ି ନେଇଗଲ। ଏପରି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଉଦଳା ବନାଂଚଳ ଅଧିନ କଟରାସାହି ଗ୍ରାମରେ।

ଗାଁର ଦାମ ଟୁଡୁ ନାମକ ଜଣେ ବ୍ୟକ୍ତି ଗତକାଲି ସନ୍ଧ୍ୟାରେ ବଳଦ ଖୋଜିବା ପାଇଁ ନିଜ ବାଡ଼ିକୁ ଯାଇଥିଲେ । ତେବେ ଠିକ୍ ଏହି ସମୟରେ ବାଉଁଶ ବୁଦା ନିକଟରେ ଲୁଚି ରହିଥିଲା ଏକ ଭାଲୁ । ଝାମ୍ପି ପଡ଼ିଲା ତାଙ୍କ ଉପରକୁ। ଅତର୍କିତ ଆକ୍ରମଣ ପାଇଁ ପ୍ରସ୍ତୁତ ନ ଥିଲେ ଦାମ। ଭାଲୁ ତାଙ୍କର ଦୁଇ ଆଖି ତାଡି ଦେଇଛି। ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ଉଦଳା  ଡାକ୍ତରଖାନାରେ ଭର୍ତି କରାଯାଇଥିଲା।  ହେଲେ ଅବସ୍ଥା ସଙ୍କଟାପନ୍ନ ହେଥିବାରୁ ତାଙ୍କୁ ବାରିପଦା ସ୍ଥାନାନ୍ତର କରାଯାଇଛି।

 

from OTV Khabar. https://ift.tt/392BVBe