ସିଏଏକୁ ନେଇ ଜୋରଦାର୍ ବିରୋଧ ଭିତରେ ସୋସିଆଲ୍ ମିଡିଆରେ ଭାଇରାଲ୍ ହେଲା ବନ୍ଧୁକ ଆଉ ଗୋଲାପର ନିଆରା ଦୃଶ୍ୟ ! ବିରୋଧ ମଧ୍ୟରେ ପୋଲିସକର୍ମୀଙ୍କୁ ଫୁଲ ଦେଇ ଚର୍ଚ୍ଚା ସାଉଁଟିଲେ ଯୁବତୀ । Kanak News

ସିଏଏ ଅର୍ଥାତ୍ ୨୦୧୯ ନାଗରିକତା ସଂଶୋଧନ ବିଲ ପାଇଁ ଭାରତରେ ଜୋରଦାର୍ ବିରୋଧ ପ୍ରଦର୍ଶନ ଚାଲିଛି । ଜନତା ପ୍ରତିବାଦର ନିଅାଁରେ ରାସ୍ତାକୁ ଓହ୍ଲାଉଛନ୍ତି । କେହି ବୋର୍ଡ ଧରି ବିରୋଧ କରୁଛି ତ ଆଉ କିଏ ନାରାବାଜି କରି ବିରୋଧ କରୁଛି । କିଛି ସ୍ଥାନରେ ପୁଲିସ ଉପରେ ଦୋଷ ଦିଆଯାଉଛି ତ ଆଉ କେହି ଛାତ୍ରଛାତ୍ରୀମାନଙ୍କୁ ଦୋଷ ଦେଉଛନ୍ତି । କିନ୍ତୁ ଏହି ଭିତରେ ସୋସିଆଲ୍ ମିଡିଆରେ ଏଭଳି ଏକ ଫଟୋ ସେୟାର୍ ହେଉଛି ଯାହାକୁ ଦେଖି ଆପଣ ମଧ୍ୟ ସ୍ମିତହାସ୍ୟଟିଏ ଦେବେ ।

Make this viral. pic.twitter.com/binxgV6HuC

— Gabbbar (@GabbbarSingh) December 19, 2019

ନାଗରିକତା ସଂଶୋଧନ ବିଲ୍ ବିରୋଧ ସମୟରେ ଜଣେ ଯୁବତୀ ଅଚାନକ ଡ୍ୟୁଟିରେ ଥିବା ଜଣେ ପୁଲିସକର୍ମୀଙ୍କୁ ଫୁଲ ଦେଉଥିବାର ନଜର ଆସିଥିଲେ । ଏହି ଫଟୋରେ ପୁଲିସକର୍ମୀ ଯୁବତୀଙ୍କ ଆଡକୁ ହସି ଡ୍ୟୁଟି କାରଣରୁ ଫୁଲ ଗ୍ରହଣ ନ କରିପାରିବା କଥା ମଧ୍ୟ ଜଣାଇଥିବା କଥା କୁହାଯାଉଛି । ଯୁବତୀ ଜଣକ ହାତରେ ଯେଉଁ ବୋର୍ଡ ଧରିଛନ୍ତି ସେଥିରେ ଲେଖା ହୋଇଛି ଯେ, “ସମସ୍ତେ ଭାବୁଛନ୍ତି ମୁଁ ଇତିହାସ ପଢୁଛି କିନ୍ତୁ ମୁଁ ଏଠାରେ ଇତିହାସ ରଚୁଛି’ । ଫଟୋରେ ପାଖରେ ଠିଆ ହୋଇଥିବା ଅନ୍ୟ ୩ ପୋଲିସ୍ କର୍ମୀ ମଧ୍ୟ ଏହି ସମୟରେ ସ୍ମିତହାସ୍ୟ ଦେଇଥିବା ନଜର ଆସିଥିଲେ । ତେବେ ଲୋକେ ଏହି ଫଟୋକୁ ଦେଖି ପ୍ରତିକ୍ରିୟା ମଧ୍ୟ ରଖିଛନ୍ତି । ଜୋରଧାର୍ ବିରୋଧ ଏବଂ ମାରପିଟ୍ ମଧ୍ୟରେ ଏଭଳି ସ୍ନେହଭରା ଫଟୋଟି ସମସ୍ତଙ୍କ ଗହଣରେ ପ୍ରଶଂସା ସାଉଁଟୁଛି ।

from Kanak News https://ift.tt/34KDf8F https://ift.tt/2Sdu9yx