ବିପଦସଙ୍କୁଳ ଅବସ୍ଥାରେ ପ୍ରାଥମିକ ବିଦ୍ୟାଳୟ । କାନ୍ଥ ଫାଟି ଆଁ କରିଛି ତ ଛାତରୁ ଖସୁଛି କଂକ୍ରିଟ ସ୍ଲାବ୍ Kanak News

କନକ ବ୍ୟୁରୋ : ବିପଦ ସଙ୍କୁଳ ଅବସ୍ଥାରେ ଚାଲିଛି ମହାକାଳାପଡା ହଗପାଟଣା ପ୍ରାଥମିକ ବିଦ୍ୟାଳୟ । କାନ୍ଥ ଫାଟି କରିଛି ଆଁ, ଛାତରୁ ଖସୁଛି କଂକ୍ରିଟ୍ ସ୍ଲାବ୍ । ଜୀବନକୁ ପାଣି ଛଡାଇ ଭଙ୍ଗା ଘରେ ପଢ଼ୁଛନ୍ତି ଛାତ୍ରଛାତ୍ରୀ  । ଖଣ୍ଡ ଖଣ୍ଡ ହୋଇ ଛାଡି ଯାଇଛି ଛାତ । କେବଳ ଶ୍ରେଣୀ ଗୃହର ଅବସ୍ଥା ନୁହେଁ ଅଫିସର ଅବସ୍ଥା ତାହାଠୁ ବଳି । ଛାତ ଫାଟିଯିବା ସହିତ ରଡ୍ ଦେଖାଯାଉଛି ।

ବଡ ବଡ ଙ୍କକ୍ରିଟ୍ ସ୍ଲାବ୍ ଖସୁଛି । ସେହିପରି ଶୌଚାଳୟର ଅବସ୍ଥା ନକହିବା ଭଲ । କବାଟ ଭାଙ୍ଗି ଝୁଲୁଛି । ରୋଷେଇ ଘର ନଥିବାରୁ ବାରଣ୍ଡାରେ ମଧ୍ୟାହ୍ନ ଭୋଜନ ପ୍ରସ୍ତୁତ ହେଉଛି । ତେଣୁ ପ୍ରଶ୍ନ ଉଠୁଛି ଯଦି କିଛି ଅଘଟଣ ଘଟେ ସେଥିପାଇଁ କିଏ ଦାୟୀ ରହିବ । ଏହି ବିଦ୍ୟାଳୟରେ ୪୩ ଜଣ ପିଲା ପାଠ ପଢ଼ୁଥିବାବେଳେ ୨ଜଣ ଶିକ୍ଷକ ରହିଛନ୍ତି ।

from Kanak News https://ift.tt/2EnQph1 https://ift.tt/2RZePpl