ଚୌଦ୍ବାର ଶିଳ୍ପାଞ୍ଚଳରେ ହାତୀପଲଙ୍କ ଉପଦ୍ରବ

ଚୌଦ୍ବାର ୨୫।୧୨: ଚୌଦ୍ବାର ଶିଳ୍ପାଞ୍ଚଳରେ ହାତୀପଲଙ୍କ ଉପଦ୍ରବ । ବିଳମ୍ବିତ ରାତିରେ ଏକ ପନ୍ଦର ଟିକିଆ ହାତୀପଲ ଚୌଦ୍ବାର ସହରର ଶିଳ୍ପାଞ୍ଚଳ ମଧ୍ୟରେ ପ୍ରବେଶ କରି ଆତଙ୍କ ଖେଳାଇଛନ୍ତି । ଏଠାରେ ଥିବା ଏକ ପାଇପ କାରଖାନାର ପାଚେରୀ ଭାଙ୍ଗି ଭିତରେ ପଶି ଭଙ୍ଗାରୁଜା କରିଛନ୍ତି । ଗତ କିଛିଦିନ ହେଲା କଟକ ବନଖଣ୍ଡ ଅଧୀନସ୍ଥ ଡାଳିଯୋଡା ରିଜର୍ଭ ଜଙ୍ଗଲରୁ ଚାଲିଆସିଥିବା ହାତୀପଲ  ଚୌଦ୍ବାର ଆଖପାଖରେ  ଉପଦ୍ରବ ଚଳାଇଆସିଛନ୍ତି । ଦିନବେଳେ ବାଣୀପଦା ଓ ଇନ୍ଦ୍ରାଣୀପାଟଣା ନିକଟବର୍ତ୍ତୀ ଛତିଶାପାଟଓ ଶିଳ୍ପାଞ୍ଚଳ ଆଖପାଖରେ ଓ ଜାତୀୟ  ରାଜପଥ ୫୫ନିକଟରେ ଆତଙ୍କ ସୃଷ୍ଟି କରିଛନ୍ତି । ବନ ବିଭାଗ ପକ୍ଷରୁ ସେମାନଙ୍କୁ ଶିଳ୍ପାଞ୍ଚଳ ଓ ଜନବସତି ମଧ୍ୟରୁ ତଡିବାକୁ ଉଦ୍ୟମ  କରାଯିବା ପରେ ହାତୀପଲ ବଡି ଭୋରରୁ ଛତିଶାପାଟ ମଧ୍ୟକୁ ଘଉଡାଇବାରେ ସଫଳ ହୋଇଛନ୍ତି । ସହର ମଧ୍ୟରେ ହାତୀପଲଙ୍କ ଉପସ୍ଥିତି ଯୋଗୁ ରାତି ତମାମ ବିଦ୍ୟୁତ ସରବରାହ ବନ୍ଦ ରହିଛି।

from Prameya News7 https://ift.tt/2MqSUUl