ରାଜଧାନୀରେ ପୁଣି ଡବଲ୍ ଏନ୍‌କାଉଣ୍ଟର; ଦୁଇ ଦୁର୍ଦ୍ଦାନ୍ତ ଅପରାଧୀ ଆହତ Rajalaxmi Sahoo

ଭୁବନେଶ୍ୱର: ପୁଣି ରାଜଧାନୀରେ ଡବଲ୍ ଏନ୍‌କାଉଣ୍ଟର। ଭୁବନେଶ୍ୱରର ବଡଗଡ଼ ଚିଲିପୋଖରୀ ଅଞ୍ଚଳରେ ପୁଲିସ୍‌ ଗୁଳିରେ ୨ ଦୁର୍ଦ୍ଦାନ୍ତ ଅପରାଧୀ ଆହତ ହୋଇଛନ୍ତି। ସେମାନେ ହେଲେ ସିପୁନ୍ କବି ଓ ହରେକୃଷ୍ଣ ସ୍ୱାଇଁ। ଗତକାଲି ବିଳମ୍ବିତ ରାତି ପ୍ରାୟ ୨ଟା ୪୫ରେ ଏହି ଏନ୍‌କାଉଣ୍ଟର ହୋଇଛି।

ସେମାନଙ୍କ ନିକଟରୁ ପୁଲିସ୍‌ ଗୋଟିଏ ମାଉଜର, ଗୋଟିଏ ଖେଳନା ବନ୍ଧୁକ, ବାଇକ୍‌, ୫୦ହଜାର ଟଙ୍କା ଓ ତିନିଟି ମୋବାଇଲ୍ ଫୋନ୍ ଜବତ କରିଛି। ଉଭୟ ଆହତଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ସୂଚନାଥାଉ କି, ଗତକାଲି ଭୁବନେଶ୍ୱର ଉପକଣ୍ଠ ବାଲିଅନ୍ତାର ଭଇଁଚୁଆରେ ଡବଲ୍‌ ଏନ୍‌କାଉଣ୍ଟର ହୋଇଥିଲା। ରାଜଧାନୀରେ ଅପରାଧୀଙ୍କ ଲଗାତାର ଅପରାଧ ଘଟଣାକୁ ଚେକ୍ ଦେବାକୁ ଆକ୍ସନ ମୋଡରେ କମିଶନରେଟ୍ ପୁଲିସ ଥିବା କୁହାଯାଉଛି।

from OTV Khabar. https://ift.tt/2OGJOX4