ଭାରତ ସହ ସଂପର୍କ ସଜାଡିବାକୁ ବିକଳ ପାକିସ୍ତାନ। ଆଲୋଚନା ପାଇଁ ମୋଦୀଙ୍କୁ ଚିଠି ଲେଖିଲେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ୍ Kanak News

କନକ ବ୍ୟୁରୋ: ଭାରତ ସହିତ ସଂପର୍କ ସଜାଡିବାକୁ ବିକଳ ହେଲାଣି ପାକିସ୍ତାନ । ଆସନ୍ତା ଜୁନ୍ ୧୩ – ୧୪ରେ ଅଛି ସାଂଘାଇ ସହଯୋଗ ସଂଗଠନ ବୈଠକ । ଏହି ବୈଠକରେ ସମସ୍ତ ଏସୀୟ ରାଷ୍ଟ୍ର ଅଂଶଗ୍ରହଣ କରୁଥିଲେ ମଧ୍ୟ ଭାରତର ପାକିସ୍ତାନ ସହିତ କୌଣସି ବାର୍ତା ହେବନାହିଁ ବୋଲି ବୈଦେଶିକ ବିଭାଗ ସ୍ପଷ୍ଟ କରିବା ପରେ ପରେ, ପାକିସ୍ତାନରୁ ମୋଦିଙ୍କୁ ଆସିଛି ଚିଠି । ପୁରା ଦକ୍ଷିଣ ଏସିଆରେ ଶାନ୍ତି ପାଇଁ ଭାରତ ସହିତ ଏକାଠି କାମ କରିବାକୁ ଚିଠି ଜରିଆରେ ଲେଖିଛନ୍ତି ପାକ୍ ପ୍ରଧାନମନ୍ତ୍ରୀ ଇମ୍ରାନ୍ । ଏହି ଚିଠିରେ କାଶ୍ମୀର ବିବାଦ ଠାରୁ ଆରମ୍ଭ କରି ଆତଙ୍କବାଦ ପ୍ରସଙ୍ଗ ବି ରହିଛି ।

ପାକ୍ ପ୍ରଧାନମନ୍ତ୍ରୀଙ୍କ ଚିଠି ଏପରି ସମୟରେ ଆସିଛି, ଯେତେବେଳେ ଭାରତ ଏସଏସଓ ସମ୍ମିଳନୀରେ ପାକ୍ ପ୍ରଧାନମନ୍ତ୍ରୀ ଇମ୍ରାନଙ୍କ ସହ ଭାରତର ପ୍ରଧାନମନ୍ତ୍ରୀ ମୋଦିଙ୍କର କୌଣସି ଦ୍ୱିପାକ୍ଷିକ ଆଲୋଚନା ପାଇଁ ଭାରତ ମନା କରି ସାରିଛି । ପୂର୍ବରୁ ପ୍ରଧାନମନ୍ତ୍ରୀ ମୋଦି ଶପଥ ଗ୍ରହଣ ଉତ୍ସବକୁ ଭାରତର ପଡୋଶୀ ରାଷ୍ଟ୍ର ମୁଖ୍ୟଙ୍କୁ ନିମନ୍ତ୍ରଣ କରିଥିଲେ ମଧ୍ୟ ପାକିସ୍ତାନକୁ ଏଥିରୁ ବାଦ୍ ଦେଇଥିଲେ । ଆଗକୁ ଏସଏସଓ ସମ୍ମିଳନୀରେ ବି ସମାନ ବାଟ ଆପଣାଇଛି ଭାରତ । ଏହାକୁ ଦେଖି ଛାନିଆ ହେଲାଣି ପାକିସ୍ତାନ । ଆଉ ଭାରତ ସହିତ ଦ୍ୱିପାକ୍ଷିକ ସଂପର୍କ ସଜାଡିବାକୁ ଇମ୍ରାନ୍ ଏବେ ମୋଦିଙ୍କ ସହ କଥା ହେବାକୁ ବ୍ୟାକୁଳ ହେଲେଣି । ପୁଲୱମାରେ ସେନା ଜବାନଙ୍କ ଉପରେ ହମଲା ପରଠାରୁ ପାକିସ୍ତାନ ସହିତ ସଂପର୍କ ତିକ୍ତ ହୋଇଛି ।

from Kanak News http://bit.ly/2WB31gA http://bit.ly/2WnLcMP