୨୦୧୯-୨୦ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ ପୂର୍ବରୁ ଜନସାଧାରଣଙ୍କ ମତାମତ ଲୋଡିଲେ ସରକାର ! ଏହି ୱେବସାଇଟରେ ଦେଇପାରିବେ ମତାମତ Kanak News

କନକ ବ୍ୟୁରୋ :  ଖୁବ୍ ଶୀଘ୍ର ରାଜ୍ୟ ବିଧାନସଭାର ବଜେଟ୍ ଅଧିବେଶନ ଆରମ୍ଭ ହେବାକୁ ଯାଉଛି । ଏଥର ସରକାର ବର୍ଷ ୨୦୧୯-୨୦ ପାଇଁ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କରିବେ । ଏହା ପୂର୍ବରୁ ରାଜ୍ୟବାସୀଙ୍କ ମତାମତ ଲୋଡ଼ିଛନ୍ତି ସରକାର । ବଜେଟରେ କ’ଣ ବ୍ୟବସ୍ଥା ରହିବ ସେ ନେଇ ଜନସାଧାରଣ, ନାଗରିକ ସମାଜ, ସଂଘ ଓ ସଂଗଠନ ନିଜର ସୁଚିନ୍ତିତ ମତାମତ ଦେଇ ବଜେଟ ପ୍ରସ୍ତୁତିରେ ସହାୟକ ହେବାକୁ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଅନୁରୋଧ କରିଛନ୍ତି । ଗଣମାଧ୍ୟମକୁ ସେ କହିଛନ୍ତି ଯେ ରାଜ୍ୟବାସୀ ଏସ୍ଏମ୍ଏସ୍, ଇ-ମେଲ୍ କିମ୍ବା ହ୍ୱାଟସ୍ଆପ୍ ଜରିଆରେ ମତାମତ ପଠାଇ ପାରିବେ । ଲୋକମାନେ ନିଜର ବଜେଟ ସଂପର୍କୀୟ ମତାମତ budget.odisha @gov.in  ଜରିଆରେ ଇମେଲ କରି ପଠେଇପାରିବେ ।

ସେହିପରି ଲୋକମାନେ ନିଜର ବଜେଟ ସଂପର୍କୀୟ ମତାମତ ୯୪୩୮୧୬୧୧୧୧ ନମ୍ବରରେ ହ୍ୱାଟସ୍ଆପ୍ କିମ୍ବା ଏସ୍ଏମ୍ଏସ୍ କରି ପଠାଇପାରିବେ । ଜୁନ୍ ୧୫ ତାରିଖ ସୁଦ୍ଧା ଏସବୁ ମତାମତ ଗ୍ରହଣ କରାଯିବ । ଅର୍ଥ ବିଭାଗ ପକ୍ଷରୁ ବଜେଟ ପାଇଁ ଏକ ସ୍ବତନ୍ତ୍ର ୱେବସାଇଟ budget.odisha.gov.in ରେ ଥିବା ସ୍ବତନ୍ତ୍ର ୱିଣ୍ଡୋରେ ଦାଖଲ କରିପାରିବେ ।

from Kanak News http://bit.ly/2WaaeyU http://bit.ly/2Wn7wv5