Tips and Tricks: ସ୍କ୍ରିନ୍‌ରୁ ଛାଡୁନି କି ମଇଳା; ଆପଣାନ୍ତୁ ଏହି ୪ଟି ଉପାୟ, ଚମକିବ Pramod Behera

ଘର ସଫା କରିବା ସମୟରେ ଲୋକମାନେ ପ୍ରାୟତଃ ଘରର ବିଭିନ୍ନ ସ୍ର୍କିନ୍‌ ବା ପରଦାର ମଇଳାକୁ ଅଣଦେଖା କରନ୍ତି। ଫଳରେ ଦୈନନ୍ଦିନ ଧୂଳି ହେତୁ ସ୍ର୍କିନ୍‌ଗୁଡ଼ିକ କଳା ଏବଂ ଅସୁନ୍ଦର ଦେଖାଯିବା ଆରମ୍ଭ କରେ। ଯେତେବେଳେ ଏହାକୁ ସଫା କରାଯାଏ ସେଥିରେ ଲାଗିଥିବା ଦାଗ ସହଜରେ ଛାଡେ ନାହିଁ। ଏପରି ପରିସ୍ଥିତିରେ ଆପଣ ନିଶ୍ଚିତ ଏପରି କିଛି ସହଜ ଉପାୟ ଖୋଜୁଥିବେ ଯାହା ସାହାଯ୍ୟରେ ପରଦାକୁ ସଫା କରି ନୂଆ କରିଦେବେ।

ଘରର ଦ୍ୱାର, ଝରକା ଏବଂ କାନ୍ଥରେ ଲାଗିଥିବା ପରଦା କାଢି ଧୋଇବା ଏବଂ ପରେ ଶୁଖାଇ ପୁନର୍ବାର ଟାଙ୍ଗିବା ନିହାତି କଷ୍ଟକର ହୋଇଥାଏ। ଏପରି ପରିସ୍ଥିତିରେ, ବ୍ୟସ୍ତବହୁଳ କାର୍ଯ୍ୟସୂଚୀ ହେତୁ, ଲୋକମାନେ ଚାହିଁଲେ ମଧ୍ୟ ପରଦା ଧୋଇବାରେ ସକ୍ଷମ ନୁହଁନ୍ତି। ତେଣୁ ଆସନ୍ତୁ ପରଦା ସଫା କରିବା ପାଇଁ କିଛି ଟିପ୍ସ ଜାଣିବା, ଯାହା ସାହାଯ୍ୟରେ ପରଦାଗୁଡ଼ିକୁ ଖୁବ୍ କମ୍ ସମୟ ମଧ୍ୟରେ ନୂଆ ଭଳି ଚମକାଇ ପାରିବା।

ୱାଶିଂ ମେସିନରେ ପରଦା ସଫା କରିବାର ଟିପ୍ସ:

ଅନେକ ସମୟରେ ୱାଶିଂ ମେସିନରେ ଧୋଇବା ସମୟରେ ପରଦା ଲାଗିଥିବା ଦାଗ ସହଜରେ ଛାଡି ନଥାଏ। ଏପରି ପରିସ୍ଥିତିରେ, ଧଳା ଭିନେଗାର ବ୍ୟବହାର କରାଯାଇ ପାରେ। ଏଥିପାଇଁ ୱାସିଂ ମେସିନରେ ପ୍ରଥମେ ପାଣିରେ ଡିଟରଜେଣ୍ଟକୁ ମିଶାନ୍ତୁ। ଡିଟରଜେଣ୍ଟ ବଦଳରେ ଆପଣ ହ୍ୟାଣ୍ଡ୍‌ୱାଶ୍‌ ମଧ୍ୟ ବ୍ୟବହାର କରିପାରିବେ। ତା’ପରେ ସେଥିରେ ୧ କପ୍ ଧଳା ଭିନେଗାର ମିଶାନ୍ତୁ। ଏଥିରେ ଧୋଇବା ଦ୍ୱାରା ପରଦାରେ ଲାଗିଥିବା ଦାଗ ସହଜରେ ଛାଡିଯିବ।

ପରଦା ସହିତ ଅନ୍ୟ ପୋଷାକ ନ ପକେଇବା:

ଅନେକ ସମୟରେ ତରବରରେ ଲୋକମାନେ ପରଦା ସହିତ ୱାଶିଂ ମେସିନରେ ଅନ୍ୟାନ୍ୟ ପୋଷାକ ମଧ୍ୟ ପକେଇ ଦିଅନ୍ତି। ଏହା ଦ୍ୱାରା ନା କେବଳ ପରଦାର ମଇଳା ପୋଷାକ ଉପରେ ପ୍ରଭାବ ପକାଇବ ବରଂ ଏହା ୱାଶିଂ ମେସିନ୍ ଉପରେ ମଧ୍ୟ ଏକ ଭାରି ପଡିଯିବ। ତେଣୁ ପରଦା ଏବଂ ଅନ୍ୟାନ୍ୟ ପୋଷାକକୁ ଅଲଗା ଭାବରେ ସଫା କରିବା ଉଚିତ।

ହାତରେ ଧୋଇବାର ଟିପ୍ସ:

ସିଲ୍କ ଏବଂ ଲେସ୍ ପରଦାଗୁଡ଼ିକ ୱାଶିଂ ମେସିନରେ ଧୋଇଲେ ନଷ୍ଟ ହୋଇଯାଏ, ଏପରି ପରିସ୍ଥିତିରେ ସେଗୁଡିଙ୍କୁ ହାତରେ ଧୋଇବା ଭଲ। ପରଦା ଧୋଇବା ପୂର୍ବରୁ ଏହାକୁ ଧଳା ଭିନେଗାର ପାଣିରେ ଭିଜାନ୍ତୁ। ଏହା ପରେ, ସାମାନ୍ୟ ଡିଟରଜେଣ୍ଟ କିମ୍ବା ହ୍ୟାଣ୍ଡ୍‌ୱାଶ୍‌ ସହିତ ପରଦାକୁ ସଫା କରନ୍ତୁ। ପରଦା ସଫା କରିବା ପାଇଁ ଆପଣ ସାମ୍ପୁ ମଧ୍ୟ ବ୍ୟବହାର କରିପାରିବେ। ଏପରି ସଫା କରିବା ଦ୍ୱାରା ପରଦାଗୁଡ଼ିକ ଦାଗହୀନ ଏବଂ ଚିକ୍ ଚିକ୍ ଦେଖାଯିବ।

ଡ୍ରାଇ କ୍ଲିନିଙ୍ଗ୍:

ଘରେ ସଫା କରିବା ଦ୍ୱାରା କିଛି ପରଦା ନଷ୍ଟ ହେବାର ଭୟ ମଧ୍ୟ ଥାଏ। ବିଶେଷକରି ଯଦି ପରଦାଗୁଡିକ ସାର୍ଟନ୍ ଏବଂ ଲାଇଲନ୍ ହୋଇଥାଏ ତେବେ ସେଗୁଡିକୁ ଡ୍ରାଇ କ୍ଲିନିଙ୍ଗ୍ କରିବା ଭଲ। ଏହା ବ୍ୟତୀତ ପରଦା ଧୋଇବା ପାଇଁ ହାର୍ଡ ଡିଟରଜେଣ୍ଟ ବ୍ୟବହାର କରିବା ଉଚିତ ନୁହେଁ। ପରଦା ଧୋଇବା ପରେ ଏହାଙ୍କୁ ଅଧିକ ସମୟ ସୂର୍ଯ୍ୟକିରଣରେ ଶୁଖାଇବା ଠିକ ନୁହେଁ। ଏହି କାରଣରୁ, ପରଦାଗୁଡ଼ିକର ଚମକ କମ ହୋଇପାରେ।

from Latest Odisha News, Breaking News Today | Top Updates on Corona - OTV News https://ift.tt/epgMabF