ଆମ ଭିତରୁ ଅନେକ ଅଛନ୍ତି ଯେଉଁମାନେ ସବୁ କାମକୁ କିପରି ଠିକ ଭାବରେ କରିବେ ଜାଣନ୍ତି, କିନ୍ତୁ କିଛି ଲୋକ ଅଛନ୍ତି ଯେଉଁମାନେ ଏହା କରି ପାରନ୍ତି ନାହିଁ। ତେଣୁ ସେମାନଙ୍କ ପାଇଁ ମେସିନ ଅତ୍ୟନ୍ତ ଜରୁରୀ ହୋଇଥାଏ। ଆମେ ଜାଣିଛେ ୱାଶିଂ ମେସିନ୍, ମସଲା ଗ୍ରାଇଣ୍ଡିଂ ମେସିନ୍ କିମ୍ବା ରୁଟି ତିଆରି ମେସିନ୍ ଇତ୍ୟାଦି ଅଛି। ବର୍ତ୍ତମାନ ଏଭଳି ଏକ ମେସିନ୍ ବଜାରକୁ ଆସିଛି ଯାହା ମାଧ୍ୟମରେ ଦୋସା ମଧ୍ୟ ପ୍ରିଣ୍ଟ୍ ହୋଇଯିବ।
ଦୋସା ପ୍ରିଣ୍ଟର୍ କୁହାଯାଉଥିବା ଏଭଳି ଏକ ମେସିନ୍ର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ମେସିନ୍ ଚମତ୍କାର ଭାବେ ଦୋସା ତିଆରି କରିଦେଉଛି। ଏଥିରେ ଖୁବ୍ ପତଳା ଦୋସା ପ୍ରିଣ୍ଟ୍ ହୋଇ ବାହାରୁ ଯାଉଛି। ସମାନ୍ଥା ନାମକ ଜଣେ ବ୍ୟକ୍ତି ଟ୍ୱିଟରରେ ଏହି ମେସିନ୍ର ବିଜ୍ଞାପନର ଏକ ଭିଡିଓ ପୋଷ୍ଟ୍ କରିଛନ୍ତି।
ଭିଡିଓରେ ଏହା ଦେଖିବାକୁ ମିଳୁଛି ଯେ ମେସିନ୍ର ଗୋଟିଏ ପଟେ ଦୋସା ପାଇଁ ତିଆରି ସାମଗ୍ରୀ ଢଳାଯାଉଛି। ଏହା ପରେ, ମେସିନ୍ରେ ଦୋସାର ମୋଟେଇ, କଡା, ସଂଖ୍ୟା ଆଦି ସିଲେକ୍ଟ କରାଯାଉଛି। ଟାଇମର୍ ଅନୁଯାୟୀ, କାଗଜ ପରି ଦୋସା ପ୍ରିଣ୍ଟ୍ ହୋଇ ବାହାରିଯାଉଛି।
Dosa printer 😳 pic.twitter.com/UYKRiYj7RK
— Samantha /சமந்தா (@NaanSamantha) August 23, 2022
ଖବର ଲେଖାହେବା ବେଳକୁ ଏହି ଭିଡିଓଟି ୬୨୬.୫K ଭ୍ୟୁ ପାଇସାରିଥିଲା। ଏହି ଭିଡିଓକୁ ୧୧ ହଜାରରୁ ଅଧିକ ଲୋକ ଦେଖିସାରିଛନ୍ତି। ତେବେ ଦୋସା ପ୍ରେମୀମାନେ ଏହି ମେସିନ୍କୁ ପସନ୍ଦ କରି ନାହାନ୍ତି। ଏଥିରେ ଦୋସା ଖରାପ ହେବ ବୋଲି ସେମାନେ କହିଛନ୍ତି। ଜଣେ ଉପହାସ କରି ଲେଖିଛନ୍ତି - ଏହି ମେସିନ୍ ହେତୁ ଦାଦି ଖୁବ ଶୀଘ୍ର ଅବସର ନେଇଯିବେ।
ଅନ୍ୟପକ୍ଷରେ କିଛି ଲୋକ ଏହାକୁ ପସନ୍ଦ ମଧ୍ୟ କରିଛନ୍ତି ଏବଂ ସେମାନେ କହିଛନ୍ତି ଯେ ଦୋସା ପ୍ରଶଂସକ ଭାବରେ ସେମାନେ ନିଶ୍ଚିତ ଭାବରେ ଏହାକୁ ନେଇ ଚେଷ୍ଟା କରିବେ। ଏହି ଦୋସା ପ୍ରିଣ୍ଟିଂ ମେସିନ୍ କେବଳ ଦକ୍ଷିଣ ଭାରତୀୟ ଖାଦ୍ୟ ତାଲିକାରେ ନାହିଁ ବରଂ ଏହା ଶ୍ରୀ ବାଲାଜୀ ଦୋସା ତରଫରୁ ଦକ୍ଷିଣ ମୁମ୍ବାଇର ମଙ୍ଗଲଦାସ୍ ମାର୍କେଟରେ ଲୋକଙ୍କୁ ଫ୍ଲାଇଙ୍ଗ୍ ଦୋସା ପରଷି ଦେଉଛି।
from Latest Odisha News, Breaking News Today | Top Updates on Corona - OTV News https://ift.tt/j3RWQAh
No comments: