ଭୁଲ ଇଞ୍ଜେକସନ୍ରୁ ଚାଲିଗଲା ପ୍ରାଣ। ଏଭଳି କିଛି ଅଭିଯୋଗ ବ୍ରଜରାଜନଗରରୁ ଆସିଛି। ସ୍ଥାନୀୟ ଅଞ୍ଚଳର ଜଣେ ନାବାଳିକା ତୁଳସୀ ମହାନନ୍ଦର ଗତକାଲି ମୃତ୍ୟୁ ହୋଇଛି। ଏହାକୁ ନେଇ ଦେଖାଦେଇଛି ପ୍ରବଳ ଉତ୍ତେଜନା। ଲୋକେ ତୁଳସୀର ମୃତଦେହକୁ ନେଇ ବ୍ରଜରାଜନଗର ଥାନାରେ ବିକ୍ଷୋଭ ପ୍ରଦର୍ଶନ କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି।
ଅଭିଯୋଗ ଅନୁସାରେ, ତୁଳସୀର ଶରୀରରେ କିଛି ବଥ ବାହାରିଥିଲା। ଏହାର ଚିକିତ୍ସା ପାଇଁ ଗାନ୍ଧି ଛକରେ ଥିବା ଏକ ଘରୋଇ କ୍ଲିନକ୍କୁ ଯାଇଥିଲେ ତୁଳସୀ ଓ ତାଙ୍କ ମାଆ। ଡାକ୍ତର ସରୋଜ ପ୍ରଧାନ ଏକ ଇଞ୍ଜେକସନ୍ ଦେଇଥିଲେ। ଏହାପରେ ତାଙ୍କ ଅବସ୍ଥା ବିଗିଡ଼ି ଯିବା ସହ ତୁଳସୀର ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଘଟଣା ପରେ ଡାକ୍ତରଙ୍କ ନାଁରେ ଥାନାରେ ଲିଖିତ ଅଭିଯୋଗ ହୋଇଛି। ଅପରପକ୍ଷେ ଏହି ଘଟଣାକୁ ନେଇ ଡାକ୍ତର ସରୋଜ ପ୍ରଧାନଙ୍କ ପ୍ରତିକ୍ରିୟା ମିଳିପାରିନି।
from Latest Odisha News, Breaking News Today | Top Updates on Corona - OTV News https://ift.tt/tUs4p3x
ଡ଼ାକ୍ତରଙ୍କ ଭୁଲ୍ ପାଇଁ ଚାଲିଗଲା ତୁଳସୀର ପ୍ରାଣ ! Chandan Shishu
![ଡ଼ାକ୍ତରଙ୍କ ଭୁଲ୍ ପାଇଁ ଚାଲିଗଲା ତୁଳସୀର ପ୍ରାଣ ! Chandan Shishu]()
Reviewed by SUBHENDU BARAL
on
June 15, 2022
Rating:
No comments: