ଆଜି ହେଭିଓ୍ୱେଟ୍ ଟକ୍କର : ଶେଷଦିନରେ ନନ୍ଦୀଗ୍ରାମରେ ମମତା କରିବେ ପ୍ରଚାର, ଶାହାଙ୍କ ମେଗା ରୋଡ ସୋ

କୋଲକାତା ୩୦/୦୩ : ପଶ୍ଚିମବଙ୍ଗ ବିଧାନସଭା ଦ୍ୱିତୀୟ ପର୍ଯ୍ୟାୟ ନିର୍ବାଚନ ପ୍ରଚାରର ଆଜି ହେଉଛି ଶେଷ ଦିନ । ତେଣୁ ଶେଷ ଦିନରେ କଡ୍ଡା ଟକ୍କର ହେବାକୁ ଯାଉଛି । ଏଥିଲାଗି ନନ୍ଦୀଗ୍ରାମରେ ଡେରା ପକାଇଛନ୍ତି ଉଭୟ ଦଳର ହେଭିଓ୍ୱେଟ୍ ନେତା ।

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତୃଣମୂଳ କଂଗ୍ରେସର ସୁପ୍ରିମୋ ମମତା ବାନାର୍ଜୀ ଆଜି ନନ୍ଦୀଗ୍ରାମରେ ଶେଷ ପ୍ରଚାର କରିବେ । ତେବେ ତାଙ୍କୁ ଟକ୍କର ଦେବାକୁ ଆଜି ପ୍ରଚାର ମୈଦାନକୁ ଓହ୍ଲାଇବେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ଶୁଭେନ୍ଦୁ ଅଧିକାରୀଙ୍କ ପାଇଁ ଭୋଟ ଜନତାଙ୍କୁ ଭୋଟ୍ ଅପିଲ୍ କରିବେ ଶାହା । ନିର୍ବାଚନରେ ବିଜୟୀ ହେବାକୁ ଉଭୟ ବିଜେପି ଓ ଟିଏମସି ଆଶାବାଦୀ ଅଛନ୍ତି ।

ତେବେ ଫିଲ୍ମ ଷ୍ଟାର ତଥା ନିକଟରେ ବିଜେପିରେ ସାମିଲ ହୋଇଥିବା ମିଥୁନ ଚକ୍ରବର୍ତ୍ତୀ ମଧ୍ୟ ନନ୍ଦୀଗ୍ରାମ ରୋଡ ଶୋ’ କରି ଶୁଭେନ୍ଦୁଙ୍କ ବିଜୟ ପାଇଁ ଯୋଗାଡ କରିବେ ଜନ ସମର୍ଥନ । ରାଜନୈତିକ ଶ୍ଲୋଗାନରେ କମ୍ପୁଛି ନନ୍ଦୀଗ୍ରାମର ଗଳିକନ୍ଦି । ନେତାଙ୍କ ପ୍ରଚାର ଓ ସମର୍ଥକଙ୍କ ଉତ୍ସାହ ବଳରେ ଉଭୟ ବିଜୟ ଲକ୍ଷ୍ୟରେ ଅଛନ୍ତି ଟିଏମସି ଓ ବିଜେପି । ଆଜି ନନ୍ଦୀଗ୍ରାମରେ କଡ଼ା ମୁକାବିଲା ହେବ ବୋଲି ସମସ୍ତଙ୍କ ଆଶା । ଗତକାଲି ହୋଲିରେ ମମତା ବାନାର୍ଜୀ ହୁଇଲଚେୟାରରେ ବସି ନନ୍ଦୀଗ୍ରାମର ଗଳିକନ୍ଦିରେ ପ୍ରଚାର କରିଥିଲେ । ତେବେ ବିଜେପି ପ୍ରାର୍ଥୀ ମଧ୍ୟ ପଛରେ ନଥିଲେ । ଶୁଭେନ୍ଦୁ ଡୋର ଟୁ ଡୋର୍ ବୁଲି ଭୋଟ୍ ଭିକ୍ଷା କରିଥିଲେ ।

from Prameya News7 https://ift.tt/3rAaPK2