ଭୁବନେଶ୍ୱର, ୨୯/୦୩: ଧଉଳି ଥାନା ଅଧୀନରେ ଆସୁଥିବା ଭୁବନେଶ୍ଵର-ପୁରୀ ଜାତୀୟ ରାଜପଥ ଦୟା ବ୍ରିଜ ନିକଟରେ ରବିବାର ବିଳମ୍ବିତ ରାତ୍ରି ରେ ଦୁର୍ଘଟଣା ଘଟିଥିବା ସୂଚନା ମିଳିଛି । ଜେଣେ ବାଇକ୍ ଆରୋହୀ ରାସ୍ତା ପାର ହେଉଥିବା ବେଳେ ଦୃତ ଗତିରେ ଆସୁଥିବା ଏକ କାର ବାଇକ୍କୁ ଧକ୍କା ଦେଇଥିବା ଜଣାପଡ଼ିଛି ।
ଦୁର୍ଘଟଣାରେ ବାଇକ୍ ଚାଳକ ଛିଟିକି ପଡ଼ିବା ସହ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ତୁରନ୍ତ ଗୁରୁତର ବାଇକ୍ ଚାଳକଙ୍କୁ ୧୦୮ ଆମ୍ବୁଲାନ୍ସ ଯୋଗେ କ୍ୟାପିଟାଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା । ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।
ତେବେ ମୃତକ ଜୟପୁର ଗ୍ରାମର ମନୋଜ ବେହେରା ହୋଇଥିବା ଜଣାପଡ଼ିଛି । ମନୋଜଙ୍କ ମୃତ୍ୟୁ ଖବର ଶୁଣି ଗ୍ରାମବାସୀମାନେ ଦୁର୍ଘଟଣା ସ୍ଥଳରେ ପହଁଞ୍ଚି ଭୁବନେଶ୍ଵର-ପୁରୀ ଜାତୀୟ ରାଜପଥରେ ଟାୟାର୍ ଜାଳି ଅବରୋଧ କରିଥିଲେ । ଧଉଳୀ ଥାନା ପୋଲିସ ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା । ଦୁର୍ଘଟଣାଗ୍ରସ୍ତ ଦୁଇ ଗାଡିକୁ ଜବତ କରି ପୋଲିସ୍ ଅଧିକ ତଦନ୍ତ କରୁଥିବା ଜଣାପଡ଼ିଛି ।
from Prameya News7 https://ift.tt/39kU6Ek
No comments: