ଧୂଆଁ କାରବାରର ପୂରା ଜାଲକୁ ଖୋଲି ଦେବ କି ଏନସିବି !! ଦୀପିକାଙ୍କ ଉପରେ ପଡିବ କି ଶନିଦଶା Kanak News

କନକ ବ୍ୟୁରୋ : ନାର୍କୋଟିକ୍ସ କଂଟ୍ରୋଲ ବ୍ୟୁରୋ । ଭାରତ ସରକାରଙ୍କ ଗୃହ ମନ୍ତ୍ରାଳୟ ଅଧିନରେ କାମ କରୁଥିବା ୩୪ ବର୍ଷର ଏକ ତଦନ୍ତକାରୀ ସଂସ୍ଥା । ଆଇଆରଏସ, ଆଇପିଏସ ଓ ପାରାମିଲିଟାରୀ ଫୋର୍ସର ଅଧିକାରୀଙ୍କୁ ଏଥିରେ ଦିଆଯାଏ ନିଯୁକ୍ତି । ୧୭ ମାର୍ଚ୍ଚ ୧୯୮୬ରେ ଏହାକୁ ବେଆଇନ ନିଶା କାରବାର ଉପରେ ରୋକ ଲଗାଇବା ପାଇଁ ଗଢାଯାଇଥିଲା । ଆଉ ଏବେ ବଲିଉଡରୁ ନିଶାର ଧୁଆଁକୁ ହଟାଉଛି ଏହି ନାର୍କୋଟିକ୍ସ କଂଟ୍ରୋଲ ବ୍ୟୁରୋ- ଏନସିବି ।

ଧୁଆଁ ହଟିବା ପରେ ଏମିତି ଚେହେରା ସବୁ ସାମ୍ନାକୁ ଆସୁଛି, ଆଖିକୁ ବିଶ୍ୱାସ କରି ହେଉନି । ନମ୍ବର ୱାନ ନାୟିକା ଦୀପିକା ପାଦୁକୋନଙ୍କଠୁ ଆରମ୍ଭ କରି ନମ୍ବର ୱାନ ପ୍ରଯୋଜନା ସଂସ୍ଥା ଧର୍ମା ପ୍ରଡକ୍ସନ୍ସ ଯାଏଁ ଲମ୍ବିଛି ବଲିଉଡ ନିଶାଲୋକର ସାମ୍ରାଜ୍ୟ । ଅଭିନେତ୍ରୀ ରକୁଲ ପ୍ରିତଙ୍କ ପାଇଁ ସଂକଟ ନେଇ ଆସିଥିଲା ଶୁକ୍ରବାର । ଅଭିନେତ୍ରୀ ଦୀପିକା ପାଦୁକୋନ୍, ଶ୍ରଦ୍ଧା କାପୁର ଓ ସାରା ଅଲି ଖାନଙ୍କ ଉପରେ ଶନିଦଶା ପଡିବାକୁ ଯାଉଛି ।

ଦିନ ୧୦ଟାରେ ମୁମ୍ବାଇସ୍ଥିତ ଏନସିବି ଗେଷ୍ଟହାଉସରେ ପହଂଚିବା ଲାଗି ଅଭିନେତ୍ରୀ ଦୀପିକା ପାଦୁକୋନଙ୍କୁ ସମନ କରାଯାଇଛି । ଦୀପିକାଙ୍କ ମ୍ୟାନେଜର କରିଶ୍ମା ପ୍ରକାଶଙ୍କୁ ଶୁକ୍ରବାର ଜେରା କରିଥିଲା ଏନସିବି । ଅନୁମାନ କରାଯାଉଛି ତାଙ୍କରି ବୟାନ ଆଧାରରେ ଦୀପିକାଙ୍କୁ ପ୍ରଶ୍ନ କରିପାରେ ଯାଂଚ ସଂସ୍ଥା । ଏପରିକି ଦୀପିକା ଓ କରିଶ୍ମାଙ୍କୁ ସାମ୍ନାସାମ୍ନି ବସାଇ ପଚରା ଉଚରା କରାଯିବ । ଦୀପିକା ଓ କରିଶ୍ମାଙ୍କ ଭିତରେ ଏକ ହ୍ୱାଟ୍ସଆପ ଚାଟରୁ ଜଣା ପଡିଥିଲା ଦୀପିକାଙ୍କ ଡ୍ରଗ୍ସ କନେକ୍ସନ ।

ଯେଉଁ ହ୍ୱାଟ୍ସଆପ ଚାଟ କଥା କୁହାଯାଉଛି, ତାର ଗ୍ରୁପ ଆଡମିନ ଥିଲେ ଅଭିନେତ୍ରୀ ଦୀପିକା ପାଦୁକୋନ । ସେହିପରି ଅଭିନେତ୍ରୀ ସାରା ଅଲି ଖାନଙ୍କୁ ଦିନ ସାଢେ ୧୦ଟାରେ ହାଜର ହେବାକୁ ସମନ ହୋଇଛି । ଗୋଆରେ ଫିଲ୍ମ ସୁଟିଂ ପାଇଁ ଯାଇଥିବା ସାରା ଅଲି ଖାନଙ୍କୁ ଏନସିବି ସମନ ମିଳିବା ପରେ ସେ ଗୁରୁବାର ମୁମ୍ବାଇ ଫେରିଥିଲେ ।

ଅଭିନେତା ସୁଶାନ୍ତ ସିଂ ରାଜପୁତଙ୍କ ସହ କେଦାରନାଥ ଫିଲ୍ମ ସୁଟିଂବେଳେ ସାରା ଅଲି ଡ୍ରଗ୍ସ ନେଉଥିବା ଅଭିଯୋଗ ରହିଛି । ସୁଟିଂ ସେଟରୁ ଆରମ୍ଭ କରି ସୁଶାନ୍ତଙ୍କ ଫାର୍ମ ହାଉସରେ ମଧ୍ୟ ସେ ନିଷିଦ୍ଧ ଗଞ୍ଜେଇ ନେଉଥିଲେ । ଏହାପରେ ଅଭିନେତ୍ରୀ ଶ୍ରଦ୍ଧା କାପୁର ମଧ୍ୟ ଏନସିବିରେ ହାଜର ହେବେ । ଟ୍ୟାଲେଂଟ ମ୍ୟାନେଜର ଜୟା ପ୍ରକାଶଙ୍କ ସହ ଏକ ହ୍ୱାଟ୍ସଆପ ଚାଟରେ ନିଷିଦ୍ଧ ସିବିଡି ଅଏଲ ମଗାଇଥିଲେ ଏହି ଅଭିନେତ୍ରୀ ।

from Kanak News https://ift.tt/344OhXU https://ift.tt/309ZSUs