ସରପଞ୍ଚଙ୍କ ସ୍ବାମୀଙ୍କ ମାଡରେ ନାବାଳକ ଆହତ ଅଭିଯୋଗ

ସୋର ୯।୬: ସରପଞ୍ଚଙ୍କ ସ୍ବାମୀଙ୍କ ମାଡରେ ନାବାଳକ ଆହତ । ବାଲେଶ୍ଵର ଜିଲ୍ଲା ସିମୁଳିଆ ଥାନା ଜାମୁଝାଡି ପଞ୍ଚାୟତରେ ସରପଞ୍ଚଙ୍କ ସ୍ବାମୀ ଜଗବନ୍ଧୁ ଦାସ ଏକ ପାଇପ୍ ଯୋଗେ ଜଣେ ନାବାଳକକୁ ମାଡ ମାରିଥିବା ନେଇ ଅଭିଯୋଗ ହୋଇଛି । ନାବାଳକଙ୍କ ମା’ ଅନ୍ନପୂର୍ଣ୍ଣା ଦାସ ଏ ନେଇ ସିମୁଳିଆ ଥାନାରେ ଅଭିଯୋଗ କରିଛନ୍ତି ।

ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ ସରପଞ୍ଚଙ୍କ ଘରୁ ଟଙ୍କା ଚୋରି ହୋଇଥିଲା । ଏହି ନାବାଳକ ଜଣଙ୍କ ଟଙ୍କା ଚୋରି କରିଥିବା ସନ୍ଦେହ କରି ତାକୁ ଇଲେକ୍ଟ୍ରି ପାଇପ୍‌ରେ ମାଡ ମାରିଥିଲେ ସରପଞ୍ଚଙ୍କ ସ୍ବାମୀ । ମାଡରେ ନାବାଳକଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ହୋଇଥିବା ଜଣାପଡିଛି ।

ସିମୁଳିଆ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ନାବାଳକଙ୍କ ପ୍ରତି ଏଭଳି ଅମାନୁଷିକ ଭାବେ ମାଡ ହୋଇଥିବା ନେଇ ବିଭନ୍ନ ମହଲରେ ନିନ୍ଦା କରାଯାଇଛି । ଏହାସହ ଦୋଷୀକୁ ଉଚିତ୍ ଦଣ୍ଡ ମିଳିବା ଦାବି ହେଉଛି ।

from Prameya News7 https://ift.tt/2XHKuOl