ବିଷ ଦେଇ ମାରିଦେଲେ : ୪୦ରୁ ୫୦ ବୁଲା ଓ ପୋଷା କୁକୁର ମୃତ, ଥାନାରେ ମାମଲା

ନିଶ୍ଚିନ୍ତକୋଇଲି ୨୫।୬: ବିଷ ଦେଇ ମାରିଦେଲେ କୁକୁର । ଗୋଟିଏ ନୁହେଁ କି ଦୁଇଟି ନୁହେଁ ଏକାଥରକେ ୪୦ରୁ ୫୦ ବୁଲା ଓ ପୋଷା କୁକୁରକୁ ମାରି ଦିଆଯାଇଥିବା ଜଣାପଡିଛି ।

ସୂଚନାଯୋଗ୍ୟ ଯେ, କଟକ ଜିଲ୍ଲା ମାହାଙ୍ଗା ଥାନା ଭଉଁରିଆ ପଞ୍ଚାୟତ ନହଙ୍ଗ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଛେଳିକୁ କୁକୁର କାମୁଡ଼ି ଦେବାରୁ ପ୍ରତିଶୋଧ ପରାୟଣ ହୋଇ ମାଂସରେ ବିଷ ମିଶାଇ ସେହି ଗାଁର ଦୁଇ ଜଣ ବ୍ୟକ୍ତି ଗାଁର ବିଭିନ୍ନ ସ୍ଥାନରେ କୁକୁରଙ୍କୁ ଖାଇବାକୁ ଦେଇଥିଲେ । ଫଳରେ ଏହି ବିଷାକ୍ତ ଖାଦ୍ୟ ଖାଇ ୪୦ରୁ ୫୦ ଟି କୁକୁର ମରି ଯାଇଥିଲେ ।

ଏହି ଘଟଣାକୁ ନେଇ ଗାଁରେ ଚାପା ଉତ୍ତେଜନା ଲାଗିଥିବାରୁ ପଂଚାୟତର ସରପଂଚ ଏକ ଲିଖିତ ଏତଲା ମାହାଙ୍ଗା ଥାନାରେ ଦେଇଛନ୍ତି । ପରେ ପୋଲିସ ସଂପୃକ୍ତ ବିଷ ଦେଇଥିବା ବ୍ୟକ୍ତିମାନଙ୍କୁ ଖୋଜାଖୋଜି କରୁଥିଲେ ସୁଦ୍ଧା ସେମାନେ ଘରୁ ଫେରାର ହୋଇଯାଇଥିବା ଜଣାପଡିଛି।

from Prameya News7 https://ift.tt/2ZaKZQJ