ଚୀନ୍‌ରେ ‘କରୋନା’ ନେଲାଣି ୪୨୫ଜଣଙ୍କ ଜୀବନ, WHO କହିଲା ଆହୁରି ବଢିପାରେ ସଂଖ୍ୟା

ନୂଆଦିଲ୍ଲୀ ୪।୨: ମହାମାରୀର ରୂପ ନେଲାଣି କରୋନା ଭାଇରସ୍ । ଚୀନରେ ସ୍ଥିତି ସଙ୍ଗୀନ୍ । ଚୀନ୍ ମିଡିଆ ରିପୋର୍ଟ ଅନୁସାରେ ଏପର୍ଯ୍ୟନ୍ତ ୪୨୫ ଜଣଙ୍କର ମୃତ୍ୟୁ ହେଲାଣି । ୨୦ ହଜାରରୁ ଅଧିକ ଲୋକ ଏହି ଭାଇରସ୍ ରେ ଆକ୍ରାନ୍ତ ହୋଇଛନ୍ତି । ମୃତାକ୍ରାନ୍ତଙ୍କ ସଂଖ୍ୟା ଆହୁରି ଅଧିକ ହେବ ବୋଲି ଅନୁମାନ କରାଯାଉଛି । ବିଶ୍ବ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚଓ) ମଧ୍ୟ କହିଛି ଯେ, ମୃତାକ୍ରାନ୍ତଙ୍କ ସଂଖ୍ୟା ବଢିପାରେ ।

ଡବ୍ଲୁଏଚଓ ପୂର୍ବରୁ ଏହାକୁ ଗ୍ଲୋବାଲ୍ ଏମରଜେନ୍ସୀ ଘୋଷଣା କରିସାରିଛି । ଏହା ପ୍ରଥମେ ଚୀନ୍ ର ବୁହାନରେ ଜଣାପଡିଥିଲା । ଏପର୍ଯ୍ୟନ୍ତ ୨୫ଟି ଦେଶରେ ଏହି ରୋଗର ଭାଇରସ୍ ପହଞ୍ଚି ସାରିଲାଣି । ଭାରତ, ଆମେରିକା, ଜର୍ମାନୀ, ଇରାନ ଏବଂ ଶ୍ରୀଲଙ୍କା ସହ ଅନ୍ୟ ଦେଶ ଚୀନ୍ ରେ ଥିବା ନିଜ ନିଜ ଦେଶର ନାଗରିକଙ୍କୁ ଦେଶକୁ ଫେରାଇନ ନେଉଛି ।

ଭାରତରେ କରୋନା ଭାଇରସ୍ ଆକ୍ରାନ୍ତ ତୃତୀୟ ବ୍ୟକ୍ତି ଚିହ୍ନଟ ହୋଇଛନ୍ତି । ତୃତୀୟ ବ୍ୟକ୍ତି ବି ସେହି କେରଳର । କରୋନା ଭାଇରସ୍ ଚିକିତ୍ସା ଶୈଳୀ ବାହାର କରିଥିବା ଦାବି କରିଛନ୍ତି ଥାଇଲାଣ୍ଡ ଡାକ୍ତର । ଥାଇଲାଣ୍ଡ ଡାକ୍ତରଙ୍କ କହିବା ଅନୁଯାୟୀ ସାଧାରଣ ଫ୍ଲୁ ପାଇଁ ଚିକିତ୍ସା ପଦ୍ଧତି ଏବଂ ଏଚଆଇଭିର ଚିକିତ୍ସାଶୈଳୀକୁ କକଟେଲ କରି ସେମାନେ କରୋନା ଚିକିତ୍ସାରେ ସଫଳତା ପାଇଛନ୍ତି । ଏପରିକି ଚୀନର ଡାକ୍ତରମାନେ ମଧ୍ୟ ଏହି ଚିକିତ୍ସା ଶୈଳୀକୁ ଆପଣାଇଛନ୍ତି । ଥାଇଲାଣ୍ଡରେ ୧୯ ଜଣ କରୋନା ଭାଇରସରେ ଆକ୍ରାନ୍ତ ହୋଇଥିବାବେଳେ ସେମାନଙ୍କ ମଧ୍ୟରୁ ୮ ଜଣ ଭଲ ହୋଇସାରିଲେଣି ।

from Prameya News7 https://ift.tt/2OsTr9o