ସୂର୍ଯ୍ୟପରାଗ ପରେ କରନ୍ତୁ ଏହି ୫ଟି କାମ, ୨୦୨୦ରେ ଧନର ରହିବନି ଅଭାବ ଏବଂ ଜୀବନରେ ରହିବ ସୁଖ ଶାନ୍ତି

ଭୁବନେଶ୍ବର ୨୬।୧୨: ଆଜି ଦେଖିବାକୁ ମିଳିବ ମହାଜାଗତିକ ଦୃଶ୍ୟ ବିରଳ ସୂର୍ଯ୍ୟପରାଗ। ଏହା ବର୍ଷ ତଥା ଦଶନ୍ଧିର ଶେଷ ସୂର୍ଯ୍ୟ ପରାଗ । ଜ୍ୟୋତିଷ ଶାସ୍ତ୍ର ଅନୁଯାୟୀ ପ୍ରାୟ ୫୮ ବର୍ଷ ପରେ ଏହି ସୂର୍ଯ୍ୟ ପରାଗ ସ୍ପର୍ଶ କରୁଛି । ସକାଳ ୮ଟା ୨୦ ମିନିଟ୍ ୮ ସେକେଣ୍ଡରେ ସୂର୍ଯ୍ୟ ପରାଗ ସ୍ପର୍ଶ କରିବ । ୧୧ଟା ୨୯ ମିନିଟ୍ ୧୦ ସେକେଣ୍ଡରେ ସର୍ବମୋକ୍ଷ । ଏହା ପୂର୍ବରୁ ଏଭଳି ସୂର୍ଯ୍ୟ ପରାଗ ୧୯୬୨ ମସିହା ଫେବୃଆରୀ ୫ ତାରିଖରେ ହୋଇଥିଲା । ଜ୍ୟୋତିଷ ଶାସ୍ତ୍ର ଅନୁଯାୟୀ ଯଦି ଆପଣ ଆଗାମୀ ୨୦୨୦ବର୍ଷକୁ ସୁଖ ଶାନ୍ତିରେ ବିତାଇବାକୁ ଚାହୁଁଛନ୍ତି ତେବେ ସୂର୍ଯ୍ୟ ପରାଗ ପରେ ଏହି ୫ଟି କାମ ନିଶ୍ଚୟ କରନ୍ତୁ ।

ସୂର୍ଯ୍ୟ ପରାଗ ସମୟରେ ରାହୁ-କେତୁ ସମ୍ବନ୍ଧିତ ଉପାୟ କରିବା ଲାଭଦାୟକ ହୋଇଥାଏ । ଏଭଳି କରିବା ଦ୍ବାରା ରାହୁ-କେତୁ ଶାନ୍ତ ରହିଥାନ୍ତି । ଅନାବଶ୍ୟକୀୟ କଷ୍ଟରୁ ମୁକ୍ତି ମିଳିଥାଏ । ସମସ୍ତ ପ୍ରକାର ନକରାତ୍ମକ ଶକ୍ତି ଦୂରେଇ ରୁହନ୍ତି । ରାହୁ-କେତୁକୁ ଶାନ୍ତ କରିବାକୁ ପରାଗ ପୂର୍ବରୁ ତେଲ, ରାଶି, କୋଇଲା, କଳା ବସ୍ତ୍ର ଦାନ କରିବାକୁ ରଖନ୍ତୁ । ଏବଂ ପରାଗ ପରେ ସ୍ନାନ ପୂଜା ଆଦି ସାରି କୌଣସି ଅଭାବୀ ଲୋକଙ୍କୁ ଦାନ କରନ୍ତୁ ।

ଜ୍ୟୋତିଷଶାସ୍ତ୍ର ଅନୁସାରେ ସୂର୍ଯ୍ୟ ପରାଗ ସମୟରେ ଗାୟତ୍ରୀ ମନ୍ତ୍ର, ସୂର୍ଯ୍ୟ ମନ୍ତ୍ର, ନାରାୟଣ ମନ୍ତ୍ରକୁ ଜପ ଏବଂ ଧ୍ୟାନ କରିବା ସର୍ବଶ୍ରେଷ୍ଠ ହୋଇଥାଏ । ଏଭଳି କରିବା ଦ୍ବାରା ଆପଣଙ୍କ ଜାତକରେ ଥିବା ସମସ୍ତ ଗ୍ରହମାନଙ୍କରୁ ଅଶୁଭ ପ୍ରଭାବ ଦୂର ହୋଇଥାଏ । ଏହା କରିବା ଦ୍ବାରା ବର୍ଷ ୨୦୨୦ରେ ଆପଣଙ୍କ ଶୁଭ ଫଳ ପ୍ରାପ୍ତି ହେବ । ଆୟରେ ବୃଦ୍ଧି ହୋଇପାରେ ।

ପରାଗ ସର୍ବମୋକ୍ଷ ପରେ ପବିତ୍ର ନଦୀ ଜଳ ତଥା ଅନ୍ୟ ଜଳରେ ପବିତ୍ର ଗଙ୍ଗାଜଳ ମିଶାଇ ଗାଧାନ୍ତୁ । ଶାରିରୀକ ଏବଂ ମାନସିକ ଶୁଦ୍ଧି ପାଇଁ ପରାଗ ପରେ ସ୍ନାନ କରିବା ଜରୁରୀ ବୋଲି ଧରାଯାଏ । ସ୍ନାନ କରିବା ପରେ ଭଗବାନ ବିଷ୍ଣୁଙ୍କ ପୂଜା କରି ଦୀପ ଦାନ କରନ୍ତୁ । ଏହା ଦ୍ବାରା ସ୍ବାସ୍ଥ୍ୟ ଉପରେ ଅନୁକୂଳ ପ୍ରଭାବ ପଡିଥାଏ । ଜୀବନରେ ପ୍ରତିଷ୍ଠା ପ୍ରାପ୍ତ ହୋଇଥାଏ ।

ସୂର୍ଯ୍ୟ ପରାଗ ପରେ ଅନ୍ନ, ବସ୍ତ୍ର ଏବଂ ଧନ ଦାନ କରିବାର ନିୟମ ରହିଛି । ଜ୍ୟୋତିଷଶାସ୍ତ୍ର ଅନୁସାରେ ଏଭଳି କରିବା ଦ୍ବାରା ଜୀବନର ସମସ୍ତ ଚିନ୍ତା ଦୂର ହୋଇଥାଏ । ଏହି ଉପାୟ କରିବା ଦ୍ବାରା ନୂଆ ବର୍ଷରେ ଗ୍ରହ ପୀଡାରୁ ମୁକ୍ତି ମିଳିବ । ଚାକିରୀ କରୁଥିବା ଲୋକଙ୍କର ପଦୋନ୍ନତିର ଯୋଗ ରହିଛି ।

ସୂର୍ଯ୍ୟ ପରାଗ ସମୟରେ ଆପଣଙ୍କ ଇଷ୍ଟ ଦେବାଦେବୀଙ୍କ ମନ୍ତ୍ର ଜପ କରିବା ଲାଭଦାୟକ ଧରାଯାଏ । ଏମାନଙ୍କର ଉପାସନା କରିବା ଦ୍ବାରା ଜାବନରେ ଉନ୍ନତି ହୋଇଥାଏ । ଚଳିତ ବର୍ଷର ଏହା ଶେଷ ସୂର୍ଯ୍ୟ ପରାଗ ହେତୁ ଏହି ଉପାୟରେ ଆଗାମୀ ବର୍ଷକୁ ସୁଖମୟ କରନ୍ତୁ ।

from Prameya News7 https://ift.tt/2t68vBG