ନୃଶଂସତା ଆଗରେ ହାର୍ ମାନିଲା ମାନବିକତା ! ପଞ୍ଚାୟତ ଭବନ ସାମ୍ନାରେ ଶୌଚ କରିବାକୁ ନେଇ ଦୁଇ ଦଳିତ ପିଲାଙ୍କୁ ପିଟିପିଟି ମାରିଦେଲେ ଅଭିଯୁକ୍ତ । Kanak News

ଆଜିର ସମାଜରେ ମଣିଷ ମଧ୍ୟରେ ମାନବିକତା କମ୍ ଏବଂ ନୃଶଂସତା ଅଧିକ ଦେଖିବାକୁ ମିଳୁଛି । ଆଧ୍ୟାତ୍ମିକ ଏବଂ ଆବେଗର ବଡ଼ ବଡ଼ ଜ୍ଞାନ ଦେଉଥିବା ମଣିଷ ଛୋଟ କଥାରେ ଆକ୍ରମଣାତ୍ମକ ହୋଇଉଠୁଛି ଏବଂ ତୁମୁଳ କାଣ୍ଡ ଭିଆଉଛି । ଏଭଳି ଏକ ଘଟଣା ହୋଇଛି ମଧ୍ୟପ୍ରଦେଶର ଶିବପୁରୀ ଅଞ୍ଚଳରେ । ଏଠାରେ ୨ ଜଣ ନିରୀହ ଦଳିତ ପିଲାଙ୍କୁ ପିଟି ପିଟି ହତ୍ୟା କରାଯାଇଛି । ହତ୍ୟାର କାରଣ ହେଉଛି ଦୁହେଁ ପଞ୍ଚାୟତ ଭବନ ସାମ୍ନାରେ ଶୌଚ କରୁଥିଲେ । ୧୧ ଏବଂ ୧୨ ବର୍ଷର ଏହି ଦୁଇଟି ପିଲାଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ଦୁହିଁଙ୍କ ପ୍ରାଣବାୟୁ ଉଡିଯାଇଥିଲା । ଏହି ମାମଲାରେ ବସପା ମୁଖ୍ୟ ମାୟାବତୀ ଟ୍ୱିଟ୍ କରି କେନ୍ଦ୍ରର ବିଜେପି ଏବଂ ରାଜ୍ୟର କଂଗ୍ରେସ ସରକାରଙ୍କ ଉପରକୁ ଅଙ୍ଗୁଳି ଉଠାଇଥିଲେ । ସେ ହତ୍ୟାକାରୀଙ୍କୁ ପାଇଁ ଫାଶଦଣ୍ଡ ଦେବାପାଇଁ ସରକାରଙ୍କୁ କହିଛନ୍ତି ।

2. कांग्रेस व बीजेपी की सरकार बताए कि गरीब दलितों व पिछड़ों आदि के घरों में शौचालय की समुचित व्यवस्था क्यों नहीं की गई है? यह सच बहुत ही कड़वा है तो फिर खुले में शौच को मजबूर दलित युवकों की पीट-पीट कर हत्या करने वालों को फांसी की सजा अवश्य दिलायी जानी चाहिए।

— Mayawati (@Mayawati) September 25, 2019

ଘଟଣାଟି ଶିବପୁରୀ ଭାବଖେଡି ଗାଁରେ ବୁଧବାର ସକାଳେ ଘଟିଛି । ୨ ଦଳିତ ପିଲାଙ୍କୁ ପଞ୍ଚାୟତ ଭବନ ସାମ୍ନାରେ ଶୌଚ କରିବାକୁ ନେଇ ୨ ଜଣ ବ୍ୟକ୍ତି ଖୁବ୍ ପିଟିଥିଲେ । ମାଡ଼ ଏତେ ଗଭୀର ଥିଲା ଯେ ନିରୀହଙ୍କ ପ୍ରାଣ ଚାଲିଯାଇଥିଲା । ଘଟଣା ପରେ ସିରସୋଦ୍ ପୋଲିସ୍ ଅଭିଯୁକ୍ତ ହାକିମ୍ ଯାଦବ ଏବଂ ରାମେଶ୍ୱର ଯାଦବଙ୍କୁ ଗିରଫ କରିଛି । ରୋଶନ୍ ବାଲ୍ମିକୀ (୧୨) ଏବଂ ଅଭିନାଶ ବାଲ୍ମିକୀ (୧୦) ଙ୍କୁ ଏଥିରେ ଗମ୍ଭୀର ଆଘାତ ପହଂଚିଥିଲା । ପୀଡିତଙ୍କୁ ଡାକ୍ତରଖାନାରେ ଭର୍ତ୍ତୀ କରିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

Madhya Pradesh: Two children were allegedly beaten to death by two men for defecating in open in Shivpuri, today. Rajesh Singh Chandel, SP Shivpuri says, “the accused have been detained & are being interrogated. Further investigation is being done.” pic.twitter.com/XF70HPhUoR

— ANI (@ANI) September 25, 2019

ପୀଡିତଙ୍କ ପିତାଙ୍କ କହିବାନୁସାରେ ଜାତିଗତ ଆଧାରରେ ତାଙ୍କ ଉପରେ ଭେଦଭାବ କରାଯାଉଥିଲା କିନ୍ତୁ ଏଭଳି ଦୁଇପିଲାଙ୍କୁ ମଧ୍ୟ ମାରିଦେବେ ଜାଣିନଥିଲୁ । ତେବେ ପୋଲିସ୍ ଦୁଇ ଅଭିଯୁକ୍ତଙ୍କ ଉପରେ ହତ୍ୟା ଏବଂ ଅନୁସୂଚିତ ଜାତି ଏବଂ ଜନଜାତି ଅଧିନିୟମ ମାଧ୍ୟମରେ ମାମଲା ଜାରୀ କରିଛି ।

from Kanak News https://ift.tt/2lFqCLP https://ift.tt/2nnSEfj