ମାଲକାନଗିରିରେ ସୁଧୁରୁଛି ବନ୍ୟା ସ୍ଥିତି; ଆଜି ବି ସ୍କୁଲ୍‌ ଛୁଟି Rajalaxmi Sahoo

ମାଲକାନଗିରି: ଲଗାଣ ବର୍ଷାରେ ବେହାଲ ଦକ୍ଷିଣ ଓ ପଶ୍ଚିମ ଓଡ଼ିଶା।  ଗତ ୨ ଦିନ ଧରି ଅବିଶ୍ରାନ୍ତ ବର୍ଷା ଯୋଗୁ ରାୟଗଡ଼ା, ମାଲକାନଗିରି, କୋରାପୁଟ, କଳାହାଣ୍ଡି ଭଳି ବହୁ ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି।

ତେବେ ମାଲକାନିଗିରିରେ ସ୍ଥିତି ସୁଧୁରିବାରେ ଲାଗିଛି। ଗତକାଲି ବର୍ଷାର ପରିମାଣ କମି ଯିବାରୁ କିଛି ନଦୀର ଜଳସ୍ତର ଧୀରେ ଧୀରେ କମିବାରେ ଲାଗିଛି। ଫଳରେ ମାଲକାନଗିରିରୁ କାଲିମେଳା ଓ ବାଲିମେଳାକୁ ଯୋଗାଯୋଗ ପୁଣିଥରେ ସଂଯୋଗ ହୋଇ ପାରିଛି।  ହେଲେ ଏବେବି ସାବେରୀ ଓ ଅନ୍ୟ ନଦୀରେ ଜଳସ୍ତର ସେତେଟା ହ୍ରାସ ପାଇ ନ ଥିବାରୁ ଛତିଶଗଡ ଓ କିଛି ଅଞ୍ଚଳକୁ ଯୋଗାଯୋଗ ହୋଇ ପାରୁନାହିଁ। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଆଜି ଜିଲ୍ଲାର ସମସ୍ତ ସ୍କୁଲ୍‌କୁ ଛୁଟି ଘୋଷଣା କରାଯାଇଛି। ଏଥିସହ ସ୍ଥିତିର ମୁକାବିଲା ଲାଗି ପ୍ରଶାସନ ଓ ପୁଲିସ୍‌ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଛି।

from OTV Khabar. https://ift.tt/2Kyddxs