ଆସ୍କାରେ ଏନ୍‌କାଉଣ୍ଟର; ଜଣେ ଅପରାଧୀ ଆହତ, ଖସି ପଳାଇଲେ ଅନ୍ୟ ଜଣେ Rajalaxmi Sahoo

ଆସ୍କା: ଗଞ୍ଜାମ ଜିଲ୍ଲା ଆସ୍କାରେ ପୁଲିସ୍‌ ଏନ୍‌କାଉଣ୍ଟରରେ ଜଣେ ଅପରାଧୀ ଆହତ ହୋଇଥିବା ବେଳେ ଅନ୍ୟ ଜଣେ ଖସି ପଳାଇଛି। ଆହତ ଅପରାଧୀ ହେଲା ଗୁରୁପ୍ରସାଦ ସ୍ୱାଇଁ। ତା’ର ବାମ ଗୋଡ଼ରେ ଗୁଳି ବାଜିଛି।  ତାକୁ ପ୍ରଥମେ ଆସ୍କା ମେଡିକାଲ୍‌ରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ବଡ଼ ମେଡିକାଲ ସ୍ଥାନାନ୍ତର କରାଯାଇଛି।

ଅନ୍ୟପକ୍ଷରେ ଅପରାଧୀଙ୍କ ଗୁଳିମାଡ଼ରେ ୨ଜଣ ପୁଲିସ୍‌ କର୍ମଚାରୀ ଆହତ ହୋଇଛନ୍ତି।

ଆଜି ଭୋର ସମୟରେ ଆସ୍କା ଚାରିମାଇଲ ଛକ ନିକଟରେ ଏହି ଏନ୍‌କାଉଣ୍ଟର ହୋଇଥିଲା। ଏଥିରେ  ଗୁରୁପ୍ରସାଦ ଆହତ ହୋଇଥିବା ବେଳେ ତା’ର ସହଯୋଗୀ କାଳୁ ବିଶ୍ୱାଳ ଘଟଣାସ୍ଥଳରୁ ଖସି ପଳାଇଥିବା ଜଣାପଡ଼ିଛି।

ଗୁରୁପ୍ରସାଦ ନିକଟରୁ ଗୋଟିଏ ବନ୍ଧୁକ ଓ ୨ ରାଉଣ୍ଡ ଗୁଳି ପୁଲିସ୍‌ ଜବତ କରିଛି। ଗୁରୁପ୍ରସାଦ ନାଁରେ ହତ୍ୟା, ଡକାୟତି ଭଳି ୧୩ଟି ମାମଲା ରହିଛି।

from OTV Khabar. https://ift.tt/2GOj54t