ଖୁବ୍ଶୀଘ୍ର ଉଦ୍ଧାର ହେବେ ଉତ୍ତରାଖଣ୍ଡର ଉତ୍ତରକାଶୀ ଟନେଲରେ ଫସିଥିବା ୪୧ ଜଣ ଶ୍ରମିକ । ଆଜି ସମସ୍ତ ଶ୍ରମିକଙ୍କୁ ଉଦ୍ଧାର ପାଇଁ ଉଦ୍ୟମ ଚାଲିଛି । ଉଦ୍ଧାର କାର୍ଯ୍ୟରେ ନିୟୋଜିତ ଟିମ୍ର ଜଣେ ସଦସ୍ୟ ହରପାଲ୍ ସିଂ ଏହି ସୂଚନା ଦେଇଛନ୍ତି । ଶ୍ରମିକମାନେ ଆଉ ମାତ୍ର ୧୨ ମିଟର ଦୂରରେ ଅଛନ୍ତି ।
ଧସିଥିବା ମାଟି ଅତଡ଼ାରେ ଷ୍ଟିଲ୍ ପାଇପ୍ ଭର୍ତ୍ତି କରା ସରିଲାଣି । ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାମ ଚାଲିଥିବାରୁ ଖୁବ୍ଶୀଘ୍ର ରେସ୍କ୍ୟୁରେ ବଡ଼ ସଫଳତା ମିଳିପାରେ ବୋଲି ଆକଳନ କରାଯାଉଛି । ଆମେରିକାନ ଅଗର ମେସିନ ଏହି ଟନେଲରେ ଖୋଳି ପାଇପ୍ ପଠାଇବାରେ ବେଶ୍ ସଫଳ ହୋଇଥିବା ଉଦ୍ଧାରକାରୀ ଟିମ୍ ସୂଚନା ଦେଇଛି ।
#ଶ୍ରମିକଙ୍କ_ଚିକିତ୍ସା_ପାଇଁ_ସମସ୍ତ_ପ୍ରସ୍ତୁତି
— ଓଟିଭି (@otvkhabar) November 23, 2023
ଉଦ୍ଧାର ହେବା ମାତ୍ରେ ଶ୍ରମିକଙ୍କୁ କିଭଳି ହସପିଟାଲରେ ପହଞ୍ଚାଯିବ ଏବଂ ସେମାନଙ୍କ ପ୍ରାଥମିକ ଚିକିତ୍ସା କରାଯିବ, ସେଥିପାଇଁ ପ୍ରସ୍ତୁତ ରହିଛି ଆମ୍ବୁଲାନ୍ସ। ଏଥିରେ ଅତ୍ୟାଧୁନିକ ମେସିନ ଏବଂ ଉପକରଣ ମହଜୁଦ ରଖାଯାଇଛି। #UttarakhandTunnelRescue #Uttarakhand #OTV pic.twitter.com/5hji4Joq2k
ଉଦ୍ଧାର ହେବା ମାତ୍ରେ ଶ୍ରମିକଙ୍କୁ କିଭଳି ହସ୍ପିଟାଲ୍ରେ ପହଞ୍ଚାଯିବ ଏବଂ ସେମାନଙ୍କ ପ୍ରାଥମିକ ଚିକିତ୍ସା କରାଯିବ, ସେଥିପାଇଁ ପ୍ରସ୍ତୁତ ରହିଛି ଆମ୍ବୁଲାନ୍ସ । ଏଥିରେ ଅତ୍ୟାଧୁନିକ ମେସିନ ଏବଂ ଉପକରଣ ମହଜୁଦ ରଖାଯାଇଛି । ସେପଟେ ହସ୍ପିଟାଲ୍ରେ ପ୍ରସ୍ତୁତ ରଖାଯାଇଛି ବେଡ୍ । ଶ୍ରମିକ ଆସିବା ମାତ୍ରେ ତୁରନ୍ତ ସେମାନଙ୍କ ଚିକିତ୍ସା ଆରମ୍ଭ କରାଯିବ । ଏଥିପାଇଁ ଅଭିଜ୍ଞ ଡାକ୍ତର ଏବଂ ସ୍ୱାସ୍ଥ୍ୟକର୍ମୀ ପ୍ରସ୍ତୁତ ରହିଛନ୍ତି ।
ଉତ୍ତରକାଶୀ ଟନେଲ ଭିତରେ ନଭେମ୍ବର ୧୨ ତାରିଖରୁ ଫସି ରହିଛନ୍ତି ୪୧ ଜଣ ଶ୍ରମିକ । ସେମାନଙ୍କ ମଧ୍ୟରେ ୫ ଜଣ ଓଡ଼ିଆ ଶ୍ରମିକ ଅଛନ୍ତି । ସେବେଠାରୁ ଉଦ୍ଧାର କାମ ଜୋରସୋରରେ ଚାଲିଛି । ତେବେ ଶ୍ରମିକମାନେ ସୁରକ୍ଷିତ ଥିବାରୁ ଉଦ୍ଧାରକାରୀ ଟିମ୍ର ମନୋବଳ ଦୃଢ ରହିଛି ।
from Latest Odisha News, Breaking News Today | Top Updates on Corona - OTV News https://ift.tt/2dKq4vA
No comments: