କନକ ବ୍ୟୁରୋ : ଓଏସଏପି କମାଣ୍ଡାଣ୍ଟ ସୁନୀଲ ବେହେରାଙ୍କୁ ଗିରଫ କରିଛି ଭିଜିଲାନ୍ସ । ତାଙ୍କ ଠାରୁ ନଗଦ ୧୦ ଲକ୍ଷରୁ ଅଧିକ ଟଙ୍କା ଜବତ କରାଯାଇଛି । ସୁନୀଲ ବେହେରା ଫାଷ୍ଟ ବାଟାଲିୟନର କମାଣ୍ଡାଣ୍ଟ ଭାବେ କାମ କରୁଛନ୍ତି । ଶନିବାର ଦିନ ଢେଙ୍କାନାଳରୁ ଟଙ୍କା ନେଇ କଟକ ସ୍ଥିତ ବାସଭବନକୁ କାର ଯୋଗେ ଫେରୁଥିବାବେଳେ ବାଟରେ ତାଙ୍କୁ ଧରିଥିଲା ଭିଜିଲାନ୍ସର ସ୍ୱତନ୍ତ୍ର ଟିମ । ସୁନୀଲ ନିଜ ସରକାରୀ ଗାଡି ଯୋଗେ ଟଙ୍କା ନେଇ ଯାଉଥିଲେ । ଆଗୁଆ ଖବର ପାଇ ତାଙ୍କୁ ଅଟକାଇଥିଲା ଭିଜିଲାନ୍ସର ସ୍ୱତନ୍ତ୍ର ଟିମ୍ ।
ତାଙ୍କ ଠାରୁ ୧ ଲକ୍ଷ ୩୧ ହଜାର ଟଙ୍କା ଜବତ କରାଯାଇଥିଲା । ଏହା ପରେ ଢେଙ୍କାନାଳ ସ୍ଥିତ ସରକାରୀ ବାସଭବନ, କଟକ, ଭୁବନେଶ୍ୱର ଓ ପୁରୀ ଘରେ ଚଢ଼ାଉ କରିଥିଲା ଭିଜିଲାନ୍ସ । ସେଠାରୁ ନଗଦ ୮ ଲକ୍ଷ ୭୦ ହଜାର ଟଙ୍କା ଜବତ କରାଯାଇଥିବା ସୂଚନା ମିଳିଛି । ଏତେ ନଗଦ ଟଙ୍କା କେଉଁଠୁ ଆଣିଲେ, ଏ ନେଇ ସେ କୌଣସି ସନ୍ତୋଷଜନକ ଉତର ଦେଇପାରିନଥିଲେ । ସୁନୀଲ ବେହେରାଙ୍କୁ ଗିରଫ କରାଯିବା ସହ ତାଙ୍କର ସ୍ଥାବର ଅସ୍ଥାବର ସମ୍ପତ୍ତି ନେଇ ଖୋଳତାଡ଼ ଜାରି ରହିଥିବା ସୂଚନା ଦେଇଛି ଭିଜିଲାନ୍ସ ।
The post ଓଏସଏପି କମାଣ୍ଡାଣ୍ଟ ସୁନୀଲ ବେହେରାଙ୍କୁ ଗିରଫ କଲା ଭିଜିଲାନ୍ସ : ଜବତ ହୋଇଥିଲା ୧୦ ଲକ୍ଷରୁ ଅଧିକ ଟଙ୍କା first appeared on Kanak News.
from Kanak News https://ift.tt/bIqM5AL https://ift.tt/6Z4y23M
Reviewed by SUBHENDU BARAL
on
October 01, 2023
Rating:
No comments: