ଅରବିନ୍ଦ ଢାଲିଙ୍କୁ ଦଳୀୟ କର୍ମୀଙ୍କ ବିରୋଧ : କଳାପତାକା ପ୍ରଦର୍ଶନ କରିବା ସହ ବିଧାୟକଙ୍କ କୁଶପୁତଳିକା ଦାହ Kanak News

କନକ ବ୍ୟୁରୋ : ଜୟଦେବ ବିଧାୟକ ଅରବିନ୍ଦ ଢାଲି ପୁଣି ଦଳୀୟ କର୍ମୀଙ୍କ ବିରୋଧ ପ୍ରଦର୍ଶନର ସମ୍ମୁଖୀନ ହୋଇଛନ୍ତି । ବିଧାୟକ ଶନିବାର ଅପରାହ୍ନରେ ନରିଶୋ ପଞ୍ଚାୟତରେ ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧିତ କାର୍ଯ୍ୟକ୍ରମରେ ଯୋଗଦେବାକୁ ଯାଉଥିଲେ । ଏହି ସମୟରେ ୨୧ନଂ ଜୋନ୍ ବିଜେଡି ଜିଲ୍ଲାପରିଷଦ ପବିତ୍ର ମୋହନ ପଟେଲଙ୍କ ଗୋଷ୍ଠୀ ବିରୋଧ କରିଥିଲେ ।

ବିଜେଡି ଜିନ୍ଦାବାଦ ନାରା ଦେଉଥିବା ବେଳେ ବିଧାୟକ ଅରବିନ୍ଦ ଢାଲି ମୁର୍ଦାବାଦ ନାରା ଦେଇଥିଲେ । କଳାପତାକା ପ୍ରଦର୍ଶନ କରିବା ସହ ବିଧାୟକଙ୍କ କୁଶପୁତଳିକା ଦାହ କରାଯାଇଥିଲା । ଫଳରେ ପୋଲିସ ଏବଂ ଆନ୍ଦୋଳନକାରୀଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା । ପରେ ସ୍ଥାନୀୟ କଲ୍ୟାଣ ମଣ୍ଡପରେ ଆୟୋଜିତ ବରିଷ୍ଠ ନାଗରିକ ସମ୍ବର୍ଦ୍ଧନା କାର୍ଯ୍ୟକ୍ରମରେ ଯୋଗଦେଇ ବିଧାୟକ ବରିଷ୍ଠ ନାଗରିକମାନଙ୍କୁ ସମ୍ବର୍ଦ୍ଧିତ କରି ଉଦବୋଧନ ଦେଇଥିଲେ ।

The post ଅରବିନ୍ଦ ଢାଲିଙ୍କୁ ଦଳୀୟ କର୍ମୀଙ୍କ ବିରୋଧ : କଳାପତାକା ପ୍ରଦର୍ଶନ କରିବା ସହ ବିଧାୟକଙ୍କ କୁଶପୁତଳିକା ଦାହ first appeared on Kanak News.

from Kanak News https://ift.tt/ANhFOMx https://ift.tt/vTqiP0O