ଶ୍ରୀଲଙ୍କା ଫେରିଲେ ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପାକ୍ଷେ : ଜୁଲାଇରେ ଆର୍ଥିକ ସ୍ଥିତି ଭୁଶୁଡିବା ପରେ ଦେଶ ଛାଡି ପଳାଇଥିଲେ Kanak News

କନକ ବ୍ୟୁରୋ : ଆର୍ଥିକ ସଙ୍କଟ ବେଳେ ଦେଶ ଛାଡି ପଳାଇଥିବା ଶ୍ରୀଲଙ୍କାର ପୂର୍ବତନ ରାଷ୍ଟ୍ରପତି ଗୋଟାବାୟ ରାଜପାକ୍ସେ ଶ୍ରୀଲଙ୍କା ଫେରିଛନ୍ତି । ଗତକାଲି ସେ ନିଜ ଦେଶକୁ ଫେରିଛନ୍ତି । ପ୍ରାୟ ୭ ସପ୍ତାହ ପରେ ସେ ଶ୍ରୀଲଙ୍କା ଫେରିଛନ୍ତି । ଜୁଲାଇରେ ଆର୍ଥିକ ସଙ୍କଟ କାରଣରୁ ଲୋକଙ୍କ ଆକ୍ରୋଶର ଶିକାର ହୋଇଥିଲେ ଗୋଟାବାୟା । ପରେ ସ୍ଥିତି ଅଣାୟତ ହେଉଥିବା ଦେଖି କିଛି ଦିନ ଲୁଚି ରହିଥିଲେ ଗୋଟାବାୟା । ପରେ ପରିବାର ସହ ଦେଶ ଛାଡି ପଳାଇଥିଲେ ।

ଗୋଟାବାୟା ବିମାନବନ୍ଦରରେ ଅବତରଣ କରିବେଳେ ଅନେକ ନେତା ଓ ପୂର୍ବତନ ମନ୍ତ୍ରୀ ତାଙ୍କୁ ସ୍ୱାଗତ କରିଥିଲେ । ବିମାନ ବନ୍ଦର ଅଧିକାରୀ କହିଛନ୍ତି ଯେ ୭୩ ବର୍ଷୀୟ ନେତା ସିଙ୍ଗାପୁରରୁ ଭାୟା ବ୍ୟାଙ୍କକ ଦେଇ ଶ୍ରୀଲଙ୍କା ଫେରିଛନ୍ତି । ଗୋଟାବାୟା ରାଜପାକ୍ସେ ଜୁଲାଇ ୧୩ରେ ଦେଶ ଛାଡି ପଳାଇଥିଲେ । ସେତେବେଳେ ବିକ୍ଷୋଭକାରୀମାନେ କଲମ୍ବୋରେ ରାଷ୍ଟ୍ରପତିଙ୍କ ବାସଭବନ ସମେତ ଅନ୍ୟାନ୍ୟ ସରକାରୀ ଭବନ ଉପରେ ଢେଲା ପଥର ମାଡ କରିବା ସହିତ ଧସେଇ ପଶିଯାଇଥିଲେ ।

The post ଶ୍ରୀଲଙ୍କା ଫେରିଲେ ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପାକ୍ଷେ : ଜୁଲାଇରେ ଆର୍ଥିକ ସ୍ଥିତି ଭୁଶୁଡିବା ପରେ ଦେଶ ଛାଡି ପଳାଇଥିଲେ first appeared on Kanak News.

from Kanak News https://ift.tt/gRQl87F https://ift.tt/u1sBejh