ମାଟିରେ ମିଶିବ ନୋଏଡାର ଟ୍ୱିନ୍ ଟାୱାର । ବିସ୍ଫୋରକ ବ୍ୟବହାର କରି ମାତ୍ର ୯ ସେକେଣ୍ଡରେ କରାଯିବ ଧ୍ୱଂସ Kanak News

କନକ ବ୍ୟୁରୋ : ମାତ୍ର ୯ସେକେଣ୍ଡରେ ଧ୍ୱଂସ ହୋଇଯିବ ଦିଲ୍ଲୀ ନୋଏଡାର ଟ୍ୱିନ ଟାୱାର । ନୋଏଡାରେ ବେଆଇନ ଭାବେ ନିର୍ମିତ ବହୁତଳ ବିଶିଷ୍ଟ ସୁପରଟେକ ଟ୍ୱିନ-ଟାୱାର ଆଜି ଭଙ୍ଗାଯିବ । ଆଜି ଅରାହ୍ନ ୨ଟା ୩୦ରେ ଏହି ଟୁଇନ ଟାୱାର ଭଙ୍ଗାଯିବ । ବିସ୍ପୋରଣ କରି ୯ ସେକେଣ୍ଡ ମଧ୍ୟରେ ଏହାକୁ ମାଟିରେ ମିଶାଇ ଦିଆଯିବ । ଏଥିପାଇଁ ବ୍ୟବହାର ହେବ ୩ହଜାର ୭ଶହ କେଜି ବିସ୍ଫୋରକ ।
ଦୁଇଟି ଟାୱାର ମଧ୍ୟରୁ ଗୋଟିଏ ୩୨ ମହଲା ଓ ଅନ୍ୟଟି ୨୯ ମହଲା ରହିଛି । ଟାୱାର୍ସରେ ମୋଟ ୯୧୫ ଫ୍ଲାଟ ରହିଛି । ନିର୍ମାଣ ପାଇଁ ପ୍ରାୟ ୭୦ କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ଏହା ଭାଙ୍ଗିବାକୁ ପ୍ରାୟ ୨୦ କୋଟି ଟଙ୍କା ଖର୍ଚ୍ଚ ହେବ । ନିୟମ ଉଲ୍ଲଂଘନ ହେବା ପରେ ସୁପ୍ରିମକୋର୍ଟ ଏହାକୁ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଛନ୍ତି । ମୁମ୍ବାଇ ଏଡିଫାଇସ ଇଞ୍ଜିନିୟରିଂ ଏହି ଭାଙ୍ଗିବା ଦାୟିତ୍ୱ ନେଇଛି । ଏଥିପାଇଁ ପ୍ରାୟ ୭ ମାସ ଧରି ଏଥିପାଇଁ ଯୋଜନା ପ୍ରସ୍ତୁତ କରିଛି ସଂସ୍ଥା । ପୂର୍ବରୁ ଏହି ସଂସ୍ଥା ୨୦୨୦ରେ କେରଳର କୋଚିରେ ୪ଟି ବଡ଼ କୋଠାକୁ ଭାଙ୍ଗିବା କାମ ସଫଳ ଭାବେ ତୁଲାଇଥିଲା ।

The post ମାଟିରେ ମିଶିବ ନୋଏଡାର ଟ୍ୱିନ୍ ଟାୱାର । ବିସ୍ଫୋରକ ବ୍ୟବହାର କରି ମାତ୍ର ୯ ସେକେଣ୍ଡରେ କରାଯିବ ଧ୍ୱଂସ first appeared on Kanak News.

from Kanak News https://ift.tt/qPpn0YJ https://ift.tt/S3eVoqP