ସନରାଇଜର୍ସ ହାଇଦ୍ରାବାଦକୁ ୨୧ ରନରେ ହରାଇଲା ଦିଲ୍ଲୀ କ୍ୟାପିଟାଲ୍ସ, ପଏଣ୍ଟ ଟେବୁଲର ପଞ୍ଚମ ସ୍ଥାନକୁ ଉଠିଲା ଦଳ

ମୁମ୍ୱାଇ, ୦୫/୦୫ :  ଡେଭିଡ୍ ୱାର୍ଣ୍ଣର ଏବଂ ରୋଭମାନ ପାୱେଲ୍‌ ବିସ୍ଫୋରଣ ବ୍ୟାଟିଂ ବଳରେ ସନରାଇଜର୍ସ ହାଇଦ୍ରାବାଦକୁ ହରାଇଛି ଦିଲ୍ଲୀ କ୍ୟାପିଟାଲ୍ସ। ସନରାଇଜର୍ସ ହାଇଦ୍ରାବାଦକୁ ୨୧ ରନରେ ପରାସ୍ତ କରିଛି ଦିଲ୍ଲୀ କ୍ୟାପିଟାଲ୍ସ । ଚଳିତ ଆଇପିଏଲ୍‌ର ୫୦ତମ ଲିଗ୍‌ ମୁକାବିଲାରେ ଦିଲ୍ଲୀ କ୍ୟାପିଟାଲ୍ସ ଓ ସନରାଇଜର୍ସ ହାଇଦ୍ରାବାଦ ପରସ୍ପରକୁ ଭେଟିଥିଲେ । ମୁକାବିଲାରେ ଟସ୍ ଜିତି ସନରାଇଜର୍ସ ହାଇଦ୍ରାବାଦ  ବୋଲିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିବା ଦିଲ୍ଲୀ କ୍ୟାପିଟାଲ୍ସ ନିର୍ଦ୍ଧାରିତ ୨୦ ଓଭରରେ ୩ ୱିକେଟ ହରାଇ ୨୦୭ ରନ କରିଥିଲା। ଦଳ ତରଫରୁ ଡେଭିଡ ୱାର୍ଣ୍ଣର ସର୍ବାଧିକ ୯୨ ରନ କରି ଅପରାଜିତ ରହିଥିଲେ। ଅନ୍ୟପଟେ ରୋଭମାନ ପାୱେଲ୍‌ ୩୫ ବଲରୁ ୬୭ ରନର ଇଂନିସ ଖେଳି ଅପରାଜିତ ରହିଥିଲେ। ହାଇଦ୍ରାବାଦ ପକ୍ଷରୁ ଭୁବନେଶ୍ୱର କୁମାର ୪ ଓଭରରେ ୨୪ ରନ ଦେଇ ଗୋଟିଏ ୱିକେଟ ନେଇଥିଲେ।

୨୦୮ ରନର ବିଶାଳ ଲକ୍ଷ୍ୟକୁ ହାସଲ କରିବାକୁ ପଡିଆକୁ ଓହ୍ଲାଇଥିବା ହାଇଦ୍ରାବାଦ ପ୍ରାରମ୍ଭିକ ବିପର୍ଯ୍ୟର ସମ୍ମୁଖୀନ ହୋଇଥିଲା। ନିର୍ଦ୍ଧାରିତ ୨୦ ଓଭରରେ ଦଳ ୮ ୱିକେଟ ହରାଇ ୧୮୬ ରନ କରିଥିଲା। ଆଡେନ ମାରକ୍ରମ, ନିକୋଲାସ ପୂରନଙ୍କୁ ଛାଡି ଅନ୍ୟ କୌଣସ ବ୍ୟାଟର ବଡ଼ ସ୍କୋର କରିପାରି ନଥିଲେ। ନିକୋଲାସ ପୂରନ ୬୨  ରନ କରିଥିବା ବେଳେ ଆଡେନ ମାରକ୍ରମ ୪୨ ରନ କରି ଆଉଟ ହୋଇଥିଲେ। ଖଲିଲ ଅହମ୍ମଦ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ୪ ଓଭରରେ ୩୦ ରନ ଦେଇ ସର୍ବାଧିକ ୩ଟି ୱିକେଟ ହାସଲ ନେଇଥିଲେ।

from Prameya News7 https://ift.tt/dLUf4rx