କନକ ବ୍ୟୁରୋ : ରୁଷ-ୟୁକ୍ରେନ ମଧ୍ୟରେ ଯୁଦ୍ଧ ପୁଣିଥରେ ଜୋରଦାର ହୋଇଛି । ଆଉ ଏହାରି ଭିତରେ ଶକ୍ତିଶାଳୀ ଆଣବିକ ମିଜାଇଲ୍ ପରୀକ୍ଷା କରିଛି ରୁଷିଆ । ଯାହା ଫଳରେ ନ୍ୟୁକ୍ଲିୟର ଆକ୍ରମଣ ଆଶଙ୍କା ପୁଣିଥରେ ବଢ଼ିଯାଇଛି । ‘ସରମାତ୍’ ନାମକ ରୁଷିଆର ଏହି ଇଂଟର କଂଟିନେଂଟାଲ ବାଲାଷ୍ଟିକ୍ ମିଜାଇଲ୍ ବିପୁଳ ପରିମାଣର ଆଣବିକ ଅସ୍ତ୍ର ପରିବହନ କରିବା କ୍ଷମତା ରହିଛି । ଏହି ପରୀକ୍ଷା ସଫଳ ହେବା ପରେ ରୁଷିଆ ରାଷ୍ଟ୍ରପତି ପୁଟିନ୍ କହିଛନ୍ତି, କୌଣସି ପଦକ୍ଷେପ ନେବା ପୂର୍ବରୁ ଶତ୍ରୁ ରାଷ୍ଟ୍ର ଦୁଇ ଥରେ ଚିନ୍ତା କରିବେ । ପୃଥୀବିର ଯେକୌଣସି ସ୍ଥାନକୁ ଏହି ମିଶାଇଲ ଭେଦ କରିପାରିବ ବୋଲି ପୁଟିନ୍ କହିଛନ୍ତି । ସେପଟେ ଆମେରିକାର ପ୍ରତିରକ୍ଷା କେନ୍ଦ୍ର ପେଣ୍ଟାଗନ୍ କହିଛନ୍ତି ଏହି ମିଜାଇଲ୍ ପରୀକ୍ଷଣ ରୁଟିନ୍ ଟେଷ୍ଟ, ଏଥିରେ ଭୟ କରିବାର କାରଣ ନାହିଁ ।
ସେପଟେ ୟୁକ୍ରେନର ମାରିଓପୋଲ ସହରରେ ଋଷ-ୟୁକ୍ରେନ ମଧ୍ୟରେ କଥାବର୍ତା ସ୍ଥଗିତ ରଖିବାକୁ କହିଛି । ଗାରିସନରେ ଫସି ରହିଥିବା ଲୋକଙ୍କ ଉଦ୍ଧାର ପାଇଁ କଥାର୍ବତା ବନ୍ଦ ରଖିବାକୁ କହିଛି ୟୁକ୍ରେନ । ଏପଟେ ଡୋନବାସ କ୍ଷେତ୍ରରେ ଥିବା ମାରିୟୁପୋଲରେ ୟୁକ୍ରେନ ସେନାକୁ ଅସ୍ତ୍ର ଛାଡ଼ି ଆତ୍ମସମର୍ପଣ କରିବାକୁ ଚରମବାଣୀ ଶୁଣାଇଛି କ୍ରେମଲିନ୍ । ରୁଷିଆ ବୈଦେଶିକ ମନ୍ତ୍ରୀ ସରଗଇ ଲାବରୋବ ୟୁକ୍ରେନକୁ ଏହି ଚେତାବନୀ ଦେଇଛନ୍ତି । ପୂର୍ବ ୟୁକ୍ରେନର ଡୋନବାସର ବିଭିନ୍ନ ସ୍ଥାନରେ ରୁଷ ସେନା ଆକ୍ରମଣକୁ ୟୁକ୍ରେନ ପକ୍ଷରୁ ଜୋରଦାର ପ୍ରତିରୋଧ କରାଯାଉଛି । ଏହି ଅଂଚଳରେ ମାରୟୁପୋଲ, ଲୁହାନସ୍କ, ଡୋନେସ୍କ ଭଳି ଅନେକ ସ୍ଥାନରେ ରୁଷ ସେନା କବଜା କରିବାକୁ ଉଦ୍ୟମ କରୁଛି । ପଶ୍ଚିମ ୟୁକ୍ରେନ ତୁଳନାରେ ଏଠାରେ ରୁଷର ମୂଳ ବାସିନ୍ଦାଙ୍କ ସଂଖ୍ୟା ଅଧିକ ରହିଥିବା ରାଷ୍ଟ୍ରପତି ପୁଟିନ୍ ଦାବି କରି ଆସୁଛନ୍ତି । ଆଉ ଏହି କ୍ଷେତ୍ରକୁ ୟୁକ୍ରେନ ଠାରୁ ଅଲଗା କରି ରୁଷିଆ ସହ ମିଶାଇବା ପାଇଁ ରଣନୀତି ପ୍ରସ୍ତୁତ କରିଛନ୍ତି ପୁଟିନ୍ । ୨୦୧୪ରେ ଯେଉଁଭଳି କ୍ରାଇମିଆ ଉପରେ କବଜା କରି କ୍ରାଇମିଆକୁ ୟୁକ୍ରେନ ଠାରୁ ଅଲଗା କରି ରୁଷିଆରେ ସାମିଲ କରାଯାଇଛି, ଠିକ୍ ସେହିପରି ଏବେ ଡୋନବାସକୁ ୟୁକ୍ରେନ ଠାରୁ ଅଲଗା କରି ରୁଷିଆରେ ମିଶାଇବା ପାଇଁ ଚାହୁଁଛନ୍ତି ପୁଟିନ୍ ।
The post ରାଷ୍ଟ୍ରପତି ପୁଟିନ୍ କହିଲେ, କୌଣସି ପଦକ୍ଷେପ ନେବା ପୂର୍ବରୁ ଦୁଇ ଥର ଭାବିବେ ଶତ୍ରୁ ରାଷ୍ଟ୍ର first appeared on Kanak News.
from Kanak News https://ift.tt/PmH0R21 https://ift.tt/oKhlp9L
No comments: