କଣ୍ଟାବଣିଆ ଗ୍ରାମରୁ ଭାଲୁର ମୃତଦେହ ଉଦ୍ଧାର, ବୟସ ୧୨ ବର୍ଷ ହୋଇଥିବା ସୂଚନା

ନୀଳଗିରି, ୩୦।୯: ବାଲେଶ୍ଵର ଜିଲ୍ଲା ନୀଳଗିରି ରେଞ୍ଜ ଅଧୀନ ଧୋବଶିଳା ପଞ୍ଚାୟତ କଣ୍ଟାବଣିଆ ଗ୍ରାମରେ ଏକ ଭାଲୁର ମୃତଦେହ ଉଦ୍ଧାର କରାଯାଇଛି। ଆଜି ଦ୍ବିପ୍ରହରରେ ଅଣ୍ଡିରା ଭାଲୁଟି ଜଙ୍ଗଲ ପାଖରେ ମରି ପଡିଥିବା ବେଳେ ନୀଳଗିରି ବନବିଭାଗକୁ ଖବର ଦେଇଥିଲେ। ରେଞ୍ଜର ମନୱାର ଖାଁଙ୍କ ନିର୍ଦ୍ଦେଶରେ ଫରେଷ୍ଟର ଦେବରାଜ ରାଉତ ଓ ଅନ୍ୟକର୍ମଚାରୀ ଘଟଣା ସ୍ଥଳକୁ ଯାଇ ମୃତଭାଲୁକୁ ଉଦ୍ଧାର କରିଥିଲେ।

ଭାଲୁଟିର ବୟସ ୧୨ ବର୍ଷ ହେବ ବୋଲି ଜଣାପଡିଛି । ସଜନାଗଡ଼ ସ୍ଥିତ ନର୍ସରିରେ ପଶୁ ଚିକିତ୍ସକ ଶବଟିର ପୋଷ୍ଟ ମୋର୍ଟମ କରିଥିବା ଜଣାପଡିଛି। ରିପୋର୍ଟ ଆସିଲେ ମୃତ୍ୟୁର କାରଣ ଜଣାପଡିବ ବୋଲି କୁହାଯାଇଛି ।

from Prameya News7 https://ift.tt/39Rz0gm