ଦ୍ୱିତୀୟ ବିବାହ କଲେ ଚାନ୍ଦବାଲି ବିଧାୟକ ବ୍ୟୋମକେଶ ରାୟ Rajalaxmi Sahoo

ଚାନ୍ଦବାଲି: ବିଜେଡି ନେତା ତଥା ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଗତକାଲି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏନେଇ ସୋସିଆଲ ମିଡିଆରେ ଫଟୋ ଶେଆର କରି ନିଜେ ବ୍ୟୋମକେଶ ଏହି ସୂଚନା ଦେଇଛନ୍ତି।  ଚିଲିକାର ଏକ ରିସର୍ଟରେ ବିବାହ ଉତ୍ସବର ଆୟୋଜନ କରାଯାଇଥିଲା। ବ୍ୟୋମକେଶ ନିଜର ଜଣେ ଘନିଷ୍ଠ ରାଜନୀତିକ ସହଯୋଗୀଙ୍କ ଝିଅଙ୍କୁ ବିବାହ କରିଛନ୍ତି। ବ୍ୟୋମକେଶଙ୍କ ଦ୍ୱିତୀୟ ବିବାହ ଥିଲା।

 

ଚାନ୍ଦବାଲି ବ୍ଲକ ଘଟପୁର ଗାଁର ଅଶୋକ ବଳଙ୍କ ସାନ ଝିଅ ତଦାସା ସାଇ ଦର୍ଶିନୀ ବଳଙ୍କୁ ଗତକାଲି ପାରମ୍ପରିକ ରୀତିନୀତିରେ ବ୍ୟୋମକେଶ ବିବାହ କରିଥିଲେ। ଭଦ୍ରକ ବିଜେଡି ବିଧାୟକ ସଞ୍ଜିବ ମଲ୍ଲିକ ଏହି ବିବାହରେ ତଦାସାଙ୍କ ପିତା ହୋଇ କନ୍ୟାଦାନ କରିଥିବା ସୂଚନା ମିଳିଛି। ବିବାହ ଉତ୍ସବରେ ଉଭୟ ପରିବାରର ସଦସ୍ୟଙ୍କ ସମେତ ବିଜେଡିର କିଛି ମନ୍ତ୍ରୀ, ବିଧାୟକ ଉପସ୍ଥିତ ଥିଲେ।

୨୦୧୪ରେ ବ୍ୟୋମକେଶ ଚାନ୍ଦବାଲିର ବିଧାୟକ ହେବା ପରଠୁ ଅଶୋକ ବଳଙ୍କ ସହ ତାଙ୍କର ଘନିଷ୍ଠତା ବୃଦ୍ଧି ପାଇଥିଲା। ସେ ବ୍ୟୋମକେଶଙ୍କ ଘନିଷ୍ଠ ରାଜନୀତିକ ସହଯୋଗୀ ଭାବେ ଚାନ୍ଦବାଲି ନିର୍ବାଚନ ମଣ୍ଡଳୀରେ କାର୍ଯ୍ୟ କରୁଛନ୍ତି।

ବ୍ୟୋମକେଶଙ୍କର ୫ ବର୍ଷର ଝିଅ ମଧ୍ୟ ଅଛି। ସୂଚନାଥାଉ କି, ୨୦୨୦ ଫେବୃୟାରୀରେ ବ୍ୟୋମକେଶଙ୍କ ପ୍ରଥମ ପତ୍ନୀ ନୀଳିମାଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା। ୨୦୧୪ରେ ସେ ନୀଳିମାଙ୍କୁ ବିବାହ କରିଥିଲେ।

The post ଦ୍ୱିତୀୟ ବିବାହ କଲେ ଚାନ୍ଦବାଲି ବିଧାୟକ ବ୍ୟୋମକେଶ ରାୟ appeared first on OTV Khabar..

from OTV Khabar. https://ift.tt/2TyGErF