ଭୟାବହ ଅଗ୍ନିକାଣ୍ଡ : ଜଳିଗଲା ୨ ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ପାଉଁଶ

କଣ୍ଟାବାଞ୍ଜି, ୦୧/୦୪: ବଲଙ୍ଗୀର ଜିଲ୍ଲା କଣ୍ଟାବାଞ୍ଜି ସହରର ୧ନମ୍ବର ରୋଡ଼ରେ ଥିବା ୨ଟି ଦୋକାନରେ ଅଗ୍ନିକାଣ୍ଡ । ବୁଧବାର ବିଳମ୍ବିତ ରାତିରେ ଦୋକାନରେ ଭୟାବହ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ଗୋଟିଏ ଲୁଗା ଦୋକାନ ଓ ଟେଲର ଦୋକାନ ସମ୍ପୂର୍ଣ୍ଣ ଭାବେ ଜଳି ପୋଡି ପାଉଁଶ ହୋଇଯାଇଛି । ସହରର ରୋୟଲ ଫ୍ୟାସନ ଲୁଗା ଦୋକାନ ଓ ଡିଲାଇଟ ଟେଲର ନାମକ ଏହି ଦୋକାନ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି ।

ତେବେ ସର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।  ସର୍ଟସର୍କିଟ ଯୋଗୁଁ ପ୍ରଥମେ ଟେଲର ଦୋକାନରେ ନିଆଁ ଲାଗିଥିଲା । ପରେ ଏହା ଧୀରେ ଧୀରେ ଲୁଗା ଦୋକାନକୁ ବ୍ୟାପିଯାଇଥିଲା। ଫଳରେ ଲୁଗା ଦୋକାନର ଲକ୍ଷାଧିକ କପଡା, ଆବାସପତ୍ର ସବୁ ଜଳି ଯାଇଛି। ସୂଚନା ପାଇ ଦମକଳ ବାହିନୀ ପହଁଚି ନିଆଁକୁ ଆୟତ କରିଥିଲେ ମଧ୍ୟ ଦୁଇଟି ଦୋକାନର ଲକ୍ଷାଧିକ ଟଙ୍କାର ଆସବାବପତ୍ର ଜଳି ଯାଇଥିଲା ।

from Prameya News7 https://ift.tt/3dpMykB