୬ କିଲୋ ବାରହା ମାଂସ ଜବତ, ବାପା-ପୁଅ ଗିରଫ

ବୌଦ୍ଧ ୨୯।୩: ବନ ବିଭାଗ ଦ୍ବାରା ବାରହା ମାଂସ ଜବତ । ବାପା-ପୁଅଙ୍କ ଗିରଫ କରିଛି ବନ ବିଭାଗ । ବୌଦ୍ଧ ଜିଲ୍ଲା କଣ୍ଟାମାଲ ରେଞ୍ଜ ସାନଛେପାପାଲି ଗାଁରୁ ଉଭୟ ବାପା-ପୁଅଙ୍କୁ ଗିରଫ କରାଯାଇଛି। ଗିରଫ ଦୁଇ ଜଣ ହେଲେ ବାପ ହରିଶ୍ଚନ୍ଦ୍ର ଦେହୁରୀ ଓ ପୁଅ ଶ୍ରୀଧର ଦେହୁରୀ । ସେମାନେ ନିକଟସ୍ଥ ରେଙ୍ଗାଲୀ ସଂରକ୍ଷିତ ଜଙ୍ଗଲରେ ବାରହା ଶିକାର କରି ନିଜ ଗାଁରେ ଘରେ ରଖିଥିବା ସମୟରେ କୌଣସି ସୂତ୍ରରୁ ବନ ବିଭାଗ ଖବର ପାଇ ଚଢ଼ାଉ କରିଥିଲା । ଏହି ସମୟରେ ୬ କିଲୋ ବାରହା ମାଂସ ଜବତ କରିଥିଲା ବନ ବିଭାଗ । ଗିରଫ ପରେ ତାଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ବନ ବିଭାଗ ସୂଚନା ଦେଇଛି ।

from Prameya News7 https://ift.tt/3tUG7wK