ସୋସିଆଲ ମିଡିଆରେ ପୁଣି ମୁହଁ ଖୋଲିଲେ ବର୍ଷା Rajalaxmi Sahoo

କଟକ: ସାଂସଦ ଅନୁଭବ ମହାନ୍ତିଙ୍କ ବିରୋଧରେ ପତ୍ନୀ ବର୍ଷା ପ୍ରିୟଦର୍ଶିନୀ ପାରିବାରିକ ହିଂସା ଅଭିଯୋଗ ଆଣି କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଏହି ଘଟଣା ପରେ ବର୍ଷା ଅନୁଭବଙ୍କ ନାଁ ନ ନେଇ ଗୋଟିଏ ପରେ ଗୋଟିଏ ପୋଷ୍ଟ କରି ସୋସିଆଲ ମିଡିଆରେ ମୁହଁ ଖୋଲିଛନ୍ତି। 

ଏବେ ପୁଣି ସୋସିଆଲ ମିଡିଆରେ ମୁହଁ ଖୋଲିଛନ୍ତି ବର୍ଷା। ଗତକାଲି ବର୍ଷା ଟ୍ୱିଟ କରି କହିଛନ୍ତି, ସତ୍ୟକୁ କେହି ହରାଇ ପାରିବେନି। ଆଉ ଏହା ଖୁବଶୀଘ୍ର ପ୍ରମାଣିତ ହୋଇଯିବ। କୋର୍ଟ ନିଜ ପଦକ୍ଷେପ ନେବେ।

ସେ ଆହୁରି କହିଛନ୍ତି, ‘ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ଏବଂ ସମସ୍ତଙ୍କ ଆଶୀର୍ବାଦ ବଳରେ ମୁଁ ନୀରବତା ଭାଙ୍ଗିବାକୁ ଯାଉଛି। କାହାକୁ ମିଛରେ ଅଭିଯୁକ୍ତ ସଜାଇ ପାରିବେନି। କାରଣ ଏହି ଅଧିକାର କୌଣସି ବ୍ୟକ୍ତିଙ୍କର ନାହିଁ। ସମସ୍ତଙ୍କ ପ୍ରତି ମୋର ଭଲ ପାଇବା ରହିଛି। 

TRUTH CANNOT BE DEFEATED, IT SHALL BE PROVEN SOON🙏🏻🙏🏻🙏🏻🙏🏻🙏🏻🙏🏻🙏🏻 COURT WILL TAKE ITS OWN ACTION 🙏🏻🙏🏻🙏🏻🙏🏻
WITH LORD JAGANNATH’S BLESSINGS & EVERYONE’S BLESSINGS I AM GOING TO BREAK THE SILENCE , NOBODY HAS THE RIGHT TO ACCUSE ANYONE FALSELY 🙏🏻🙏🏻🙏🏻
LOVE YOU ALL 🙏JAY JAGANNATH 🙏 pic.twitter.com/iTecW8bm34

— VARSHA PRIYADARSHINI (@VarshaPriyadar3) September 7, 2020

ରବିବାର ଦିନ ମଧ୍ୟ ବର୍ଷା ଏକ ଟ୍ୱିଟ କରି ଲେଖିଥିଲେ, ‘ସତ କେବେ ଲୁଚି ରହେନା। ଭୁଲ୍‌ ଏବଂ ମିଥ୍ୟା ଅଭିଯୋଗ ଆଣି ଜଣକୁ ବଦନାମ କରିବା ପୂର୍ବରୁ ଭଗବାନଙ୍କୁ ଡରିବା ଉଚିତ୍‌। ଭଗବାନଙ୍କ ଉପରେ ମୋର ପୂର୍ଣ୍ଣ ବିଶ୍ୱାସ ରହିଛି।’

ବର୍ଷା ଆହୁରି କହିଥିଲେ, ‘କେହି ଆଇନର ଉର୍ଦ୍ଧ୍ୱରେ ନୁହଁନ୍ତି। ମୁଁ ଯେଉଁ କଠିନ ସମୟ ଦେଇ ଗତି କରୁଛି, ଏଠି ସମସ୍ତଙ୍କର ଆଶୀର୍ବାଦ ଚାହୁଁଛି। ଏହାସହ ମୁଁ ନିରବତା ଭଙ୍ଗ କରିବା ପାଇଁ ଚେଷ୍ଟା କରୁଛି। ସମସ୍ତଙ୍କ ପ୍ରତି ମୋର ସମ୍ମାନ ଓ ଭଲ ପାଇବା ରହିଛି।’

ବର୍ଷା ଟ୍ୱିଟ୍‌ କରି ଏସବୁ ଉଲ୍ଲେଖ କରିବା ସହ ମହାପ୍ରଭୁ ଜଗନ୍ନାଥଙ୍କ ଏକ ଫଟୋ ମଧ୍ୟ ଶେଆର କରିଥିଲେ।

 

 

The post ସୋସିଆଲ ମିଡିଆରେ ପୁଣି ମୁହଁ ଖୋଲିଲେ ବର୍ଷା appeared first on OTV Khabar..

from OTV Khabar. https://ift.tt/3jVXUyG