ଆନନ୍ଦପୁର: ଚୋରି କରିବାକୁ ଆସିଥିବା ଦୁର୍ବୃତ୍ତ ଘରେ ନିଆଁ ଲଗାଇ ଦେବାରୁ ଜଣେ ବୃଦ୍ଧା ଓ ତାଙ୍କ ପୁଅ ଜୀଅନ୍ତା ଜଳି ଯାଇଥିବା ଅଭିଯୋଗ ହୋଇଛି। କେନ୍ଦୁଝର ଜିଲ୍ଲା ନନ୍ଦିପଦା ଥାନା ଅନ୍ତର୍ଗତ କଳିଗାଁରେ ଏଭଳି କିଛି ଘଟଣା ଘଟିଛି। ମୃତକ ଦ୍ୱୟ ହେଲେ ଜଞ୍ଜାଳି ଜେନା ଓ ତାଙ୍କ ପୁଅ ବନମାଳି ଜେନା।
ସୂଚନା ଅନୁସାରେ, କଳିଗାଁ ସ୍ଥିତ ଏକ ପୁରୁଣା ଅଙ୍ଗନବାଡ଼ି କେନ୍ଦ୍ରରେ ଜଞ୍ଜାଳି ଓ ବନମାଳି କିଛି ଦିନ ହେବ ରହି ଆସୁଥିଲେ। ଗତକାଲି ବିଳମ୍ବିତ ରାତିରେ ଦୁର୍ବୃତ୍ତମାନେ ଅଙ୍ଗନବାଡ଼ି କେନ୍ଦ୍ର ନିକଟରେ ଥିବା ଏକ ଦୋକାନ ଭିତରେ ପଶି ଲୁଟ୍ କରୁଥିଲେ। ଏହି ସମୟରେ ଜଞ୍ଜାଳି ଓ ବନମାଳି ଏହାକୁ ଦେଖି ଦେଇଥିଲେ। ଉଭୟ ମା’-ପୁଅ ସେମାନଙ୍କୁ ଚିହ୍ନି ଦେବା ଭୟରେ ଦୁର୍ବୃତ୍ତମାନେ ଅଙ୍ଗନବାଡ଼ି କେନ୍ଦ୍ରର ବାହାରପଟୁ କବାଟ ବନ୍ଦ କରି ନିଆଁ ଲଗାଇ ଦେଇଥିଲେ। ଫଳରେ ମା’-ପୁଅ ଜୀବନ୍ତ ଦଗ୍ଧ ହୋଇଯାଇଥିବା ଜଣାପଡ଼ିଛି।
ଘଟଣାସ୍ଥଳରେ ନନ୍ଦିପଦା ପୋଲିସ୍ ପହଞ୍ଚି ଛାନ୍ଭିନ୍ ଆରମ୍ଭ କରିଥିବା ବେଳେ ଏପର୍ଯ୍ୟନ୍ତ ସୁଦ୍ଧା ଦୁର୍ବୃତ୍ତଙ୍କ ଟେର୍ ମିଳିପାରିନାହିଁ।
The post ମା’-ପୁଅଙ୍କୁ ଜୀଅନ୍ତା ଜାଳିଦେଲେ ଲୁଟେରା ! appeared first on OTV Khabar..
from OTV Khabar. https://ift.tt/2DLbkhv
No comments: