ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ମିଳିଲା ପୋଲିସ ସୁରକ୍ଷା : ଅନୁଭବଙ୍କ ଘରେ ଜଣେ କର୍ମଚାରୀ ସୁରକ୍ଷା ଦାୟିତ୍ୱରେ ରହିଲେ; ୨ ଯୁବକ ଭିଡିଓ କରିବା ପରେ ସୁରକ୍ଷା ମାଗିଥିଲେ ବର୍ଷା Kanak News

କନକ ବ୍ୟୁରୋ : ଓଲିଉଡ୍ ଷ୍ଟାର ଦମ୍ପତି ଅନୁଭବ ଓ ବର୍ଷାଙ୍କ ବିବାଦ ଦିନକୁ ଦିନ ବଢ଼ିବାରେ ଲାଗିଛି । ବର୍ଷା ପ୍ରିୟଦର୍ଶିନୀ ଓ ସାଂସଦ ଅନୁଭବ ମହାନ୍ତିଙ୍କ ଦାଂପତ୍ୟ ଜୀବନରେ ଉଠିଥିବା ଝଡ ଏକ ନୂଆ ମୋଡ ନେଇଛି । ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ପୋଲିସ ପକ୍ଷରୁ ସୁରକ୍ଷା ଯୋଗାଇ ଦିଆଯାଇଛି । ଅନୁଭବଙ୍କ ଘରେ ଜଣେ କର୍ମଚାରୀ ସୁରକ୍ଷା ଦାୟିତ୍ୱରେ ଉପସ୍ଥିତ ଅଛନ୍ତି । ଏ ନେଇ ପୂର୍ବରୁ ବର୍ଷାଙ୍କ ଓକିଲଙ୍କ ପକ୍ଷରୁ ପୁରୀଘାଟ ଥାନାରେ  ଆବେଦନ କରାଯାଇଥିଲା ।

ଗତକାଲି ପୁଲିସକୁ ସୁରକ୍ଷା ମାଗିଥିଲେ ବର୍ଷା ପ୍ରିୟଦର୍ଶିନୀ । ଅଭିଯୋଗ ଅନୁସାରେ ବର୍ଷାଙ୍କୁ ଖାଇବାକୁ ଦେବା ସମୟରେ ଅନୁଭବଙ୍କ ୨ ସହଯୋଗୀ, ବର୍ଷାଙ୍କ ଅନିଚ୍ଛା ସତ୍ୱେ ମୋବାଇଲରେ ଭିଡିଓ ସୁଟ କରିଥିଲେ । ଏହାକୁ ନେଇ ପୁଲିସର ସହାୟତା ଲୋଡିଥିଲେ ବର୍ଷା । ଏପଟେ ଅନୁଭବ କହିଛନ୍ତି, ଘରୋଇ ହିଂସା ଅଭିଯୋଗ ଆଣିଥିବା ବର୍ଷା ନିଜକୁ ଯଦି ଅସୁରକ୍ଷିତ ମନେ କରୁଛନ୍ତି ତେବେ କେମିତି ଘରେ ଅଛନ୍ତି ବୋଲି ପଶ୍ନ କରିଛନ୍ତି ।

from Kanak News https://ift.tt/3k1E9Wx https://ift.tt/2EYI4Vb