ପୁଣି ପ୍ରବାସୀ ବସ୍ ଦୁର୍ଘଟଣାଗ୍ରସ୍ତ : ଟ୍ରକ୍‌କୁ ଦେଲା ଧକ୍କା, ଡ୍ରାଇଭରଙ୍କ ସହ ଦୁଇ ଆହତ

ଟାଙ୍ଗୀ ୨୮।୬: ପ୍ରବାସୀଙ୍କୁ ନେଇ ଯାଉଥିବା ବସ୍ ଦୁର୍ଘଟଣାଗ୍ରସ୍ତ । ଖୋର୍ଦ୍ଧା ଜିଲ୍ଲା ୧୬ ନଂ ଜାତୀୟ ରାଜପଥର ଟାଙ୍ଗି ଥାନା ଅନ୍ତର୍ଗତ କୋଚିଲା ଛକ ନିକଟରେ ଘଟିଛି ଏହି ଦୁର୍ଘଟଣା । ଦୁର୍ଘଟଣାରେ ଡ୍ରାଇଭର ସମେତ ଦୁଇ ପ୍ରବାସୀ ଆହତ ହୋଇଛନ୍ତି ।

ସୂଚନାଯୋଗ୍ୟ ଯେ, ପ୍ରବାସୀଙ୍କୁ ନେଇ ଏପି୦୩ଏକ୍ସ୫୦୫୦ ନମ୍ବର ବିଶିଷ୍ଟ ବସ୍ ଗତ ୨୬ ତାରିଖ ସନ୍ଧ୍ୟା ୫ଟା ସମୟରେ ବିହାରରୁ ବାହାରି ଚେନ୍ନାଇ, ପଣ୍ଡିଚେରୀ ଯାଉଥିଲା । ରାସ୍ତାରେ ଅଟକି ରହିଥିବା ଏକ ଆଇରନ୍ ବୋଝେଇ ଟ୍ରକ୍ ପଛରେ ଏକ ହାଇଓ୍ବା ଟ୍ରକ୍ ଧକ୍କା ଦେଇଥିଲା । ଠିକ୍ ସେହି ସମୟରେ ପ୍ରବାସୀମାନଙ୍କୁ ନେଇ ଯାଉଥିବା ବସ୍ ଟି ହାଇଓ୍ବା ଟ୍ରକକୁ ପଛ ପଟୁ ଧକ୍କା ଦେଇଥିଲା ।

ଦୁର୍ଘଟଣାରେ ଡ୍ରାଇଭରଙ୍କ ସହ ଦୁଇ ପ୍ରବାସୀ ଆହତ ହୋଇଛନ୍ତି । ଖୋର୍ଦ୍ଧା ଜିଲ୍ଲା ଟାଙ୍ଗୀ-କୁହୁଡି ପୋଲିସ ପକ୍ଷରୁ ଉଦ୍ଧାର କରାଯାଇ ଆହତମାନଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଏବେ ସମସ୍ତ ପ୍ରବାସୀ ସୁସ୍ଥ ଓ ସୁରକ୍ଷିତ ଅଛନ୍ତି । ତେବେ ବସରେ ତାମିଲନାଡୁ ଇସାନଗଞ୍ଜ ଜିଲ୍ଲାର ୩୦ ଜଣ ପ୍ରବାସୀ ଥିଲେ ।

from Prameya News7 https://ift.tt/2BgZ5bc