ଭୟାବହ ଅଗ୍ନିକାଣ୍ଡ : ୬ଟି ପରିବାରର ୧୦ ବଖରାରୁ ଉର୍ଦ୍ଧ୍ବ ଘର ଜଳିଗଲା

ଜଗତସିଂହପୁର ୨୭।୬: ଜଗତସିଂହପୁର ଜିଲ୍ଲା ବାଲିକୁଦା ତହସିଲ ଓଷକଣା ପଞ୍ଚାୟତ ବଡକଣ ଗାଁରେ ଶୁକ୍ରବାର ଭୟାବହ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡ ଫଳରେ ୬ଟି ପରିବାରର ୧୦ ବଖରାରୁ ଉର୍ଦ୍ଧ୍ବ ଚାଳ ଓ ଆଜବେଷ୍ଟସ ଘର ସଂପୂର୍ଣ୍ଣ ଜଳିଯାଇଛି ।

ଅଗ୍ନିକାଣ୍ଡ ଘଟିବାର ସଠିକ୍ କାରଣ ଜଣାପଡି ନଥିଲେ ମଧ୍ୟ ବିଦ୍ୟୁତ୍ ସର୍ଟ ସର୍କିଟ୍ ଯୋଗୁଁ ଅଗ୍ନିକାଣ୍ଡ ଘଟିଥିବାର ସନ୍ଦେହ କରାଯାଉଛି।

ଏହି ଅଗ୍ନିକାଣ୍ଡରେ ବିପନ୍ନ ହୋଇଥିବା ବ୍ରହ୍ମାନନ୍ଦ ସ୍ବାଇଁ ଝିଅ ବାହାଘର ପାଇଁ ବ୍ୟାଙ୍କରୁ ଉଠାଇ ରଖିଥିବା ଦେଢ ଲକ୍ଷ ଟଙ୍କା ନଗଦ କ୍ୟାସ୍ ସମ୍ପୂର୍ଣ୍ଣ ଜଳିଯିବା ସହ ଅଗ୍ନିକାଣ୍ଡରେ ୨୦ ଲକ୍ଷ ଟଙ୍କାରୁ ଉର୍ଦ୍ଧ୍ବ ମୂଲ୍ୟର ସମ୍ପତ୍ତି ନଷ୍ଟ ହୋଇଥିବା ଆକଳନ କରାଯାଇଛି । ଖବରପାଇ ବାଲିକୁଦା ଅଗ୍ନିଶମ ବାହିନୀ  ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛନ୍ତି ।

from Prameya News7 https://ift.tt/31kQ0bX