ଭାଙ୍ଗିଗଲା ସାଜିଦ-ୱାଜିଦଙ୍କ ଯୋଡି : ୪୨ ବର୍ଷ ବୟସରେ ୱାଜିଦଙ୍କ ନିଧନ

ମୁମ୍ବାଇ ୦୧/୦୬ : ବଲିଉଡର ଜଣାଶୁଣା ସଂଗୀତକାର ଯୋଡି ସାଜିଦ-ୱାଜିଦର ୱାଜିଦ ଖାନଙ୍କ ୪୨ ବର୍ଷ ବୟସରେ ନିଧନ ହୋଇଯାଇଛି | ରବିବାର ବିଳମ୍ବିତ ରାତିରେ ୱାଜିଦଙ୍କର ନିଧନ ହୋଇଛି | ୱାଜିଦ ଗାୟକ ଭାବେ ସଲମାନ ଖାନଙ୍କ ପାଇଁ ‘ହମକା ପିନି ହେ’, ‘ମେରା ଜଲବା’ ସମେତ ଅନେକ ହିଟ ଗୀତ ଗାଇଥିଲେ |

ସୂଚନାଯୋଗ୍ୟ ଯେ, ୱାଜିଦଙ୍କୁ କିଡନୀରେ ସମସ୍ୟା ଥିଲା | ପାଖାପାଖି ୨ ମାସ ପୂର୍ବରୁ ସେ ହସ୍ପିଟାଲରେ ଭର୍ତ୍ତି ହୋଇଥିଲେ | କିଛି ଦିନ ପୂର୍ବରୁ ସେ କିଡନୀ ଟ୍ରାନ୍ସପ୍ଲାଣ୍ଟ କରାଇଥିଲେ | ୩ ଦିନ ପୂର୍ବରୁ ତାଙ୍କ ମଧ୍ୟରେ କରୋନା ଲକ୍ଷଣ ଦେଖା ଦେଇଥିଲା | କିନ୍ତୁ ହୃଦଘାତରେ ତାଙ୍କର ମୃତ୍ୟୁ ହେଇଥିବା କୁହାଯାଉଛି | ସେ ଡାଏବେଟିସରେ ମଧ୍ୟ ପୀଡିତ ଥିଲେ | ତେବେ କରୋନା ଲକ୍ଷଣ ଥିବା ଯୋଗୁଁ ୱାଜିଦଙ୍କ ଅନ୍ତିମ ଯାତ୍ରାରେ ଅଳ୍ପ କିଛି ଲୋକ ହିଁ ସାମିଲ ହେବା ପାଇଁ ଅନୁମତି ଦିଆଯାଇଛି |

ୱାଜିଦଙ୍କ ନିଧନରେ ବଲିଉଡରେ ଶୋକର ଛାୟା ଖେଳି ଯାଇଛି | ଅନେକ ସଂଗୀତକାର ତଥା ଗାୟକ ୱାଜିଦଙ୍କ ନିଧନକୁ ବଲିଉଡ ପାଇଁ ଏକ ବଡ ଝଟକା ବୋଲି କହିଛନ୍ତି |

from Prameya News7 https://ift.tt/2yTRxtO